O‘zbekistonga Germaniyadan 356 ming doza AstraZeneca vaksinasi olib kelindi

O‘zbekistonga 11-sentabr kuni Germaniyadan COVAX doirasida 356 ming doza AstraZeneca vaksinasi olib kelindi. Bu haqda SSV matbuot xizmati xabar qildi.

Bunga qadar ushbu vaksinadan O‘zbekistonga:

• 17-martda 660 000 doza;
• 16-iyunda 50 000 doza;
• 14-avgustda 276 480 doza keltirilgan edi.

Shunday qilib, mamlakatga keltirilgan jami vaksina 22 802 540 dozani tashkil qilmoqda. Ulardan:

• 460 000 dozasi “Sputnik V”,
• 1 342 480 dozasi AstraZeneca,
• 18 000 000 million dozasi ZF-UZ-VAC 2001,
• 3 000 060 dozasi Moderna vaksinasidir.

10-sentabr holatiga ko‘ra, O‘zbekistonda jami 16 600 174 doza vaksinadan foydalanilib, to‘liq emlangan fuqarolar 3 022 789 nafarni tashkil qilmoqda.

Bundan avval O‘zbekistonga 1,2 mln doza Pfizer va 600 ming doza AstraZeneca vaksinasi olib kelinishi haqida xabar berilgandi.