O‘zbekistonga yana 1,5 mln doza o‘zbek-xitoy vaksinasi keltirildi

O‘zbekistonga 5-sentabr kuni Xitoydan yana 1,5 million doza ZF-UZ-VAC2001 vaksinasi olib kelindi. Bu haqda Sog‘liqni saqlash vazirligi xabar berdi.

Bu ushbu vaksinaning O‘zbekistonga keltirilgan 10-partiyasi bo‘lib, 3 million dozadan iborat avvalgi partiya 22-avgust kuni keltirilgandi. Shunday qilib, mamlakatga keltirilgan jami vaksina 19 million 446 ming 540 dozani tashkil qilmoqda.

Ulardan:

• 460 000 dozasi “Sputnik V”,
• 986 480 dozasi AstraZeneca,
• 15 000 000 million dozasi ZF-UZ-VAC2001,
• 3 000 060 dozasi Moderna vaksinasidir.

Eslatib o‘tamiz, mamlakatda shu kunga qadar emlash jarayonlarida 15 004 856 doza vaksinadan foydalanildi. Koronavirusga qarshi to‘liq emlangan fuqarolar 2 123 460 nafarni tashkil qilmoqda. Mavzuga doir:

• Xitoy-o‘zbek vaksinasining III faza tadqiqotlari natijalari e’lon qilindi
• O‘zbek olimlari pomidordan koronavirusga qarshi vaksina yaratdi (video)