O‘zbekiston bo‘ylab 1-sinf o‘quvchilariga atalgan Prezident sovg‘alari hududlarga yo‘l oldi

Har yili O‘zbekistondagi maktablarning 1-sinf o‘quvchilari uchun tuhfa qilinadigan Prezident sovg‘alaridan iborat karvon 23-avgust kuni hududlarga yo‘l oldi. Bu haqda Xalq ta’limi vazirligi xabar berdi.

Sovg‘alar 12 turdagi o‘quv qurollari, jumladan, portfel, daftar, rasm daftari, akvarel bo‘yoqlari, rangli qog‘oz, qalamdon, sharikli ruchka, rangli va oddiy qalamlar, plastilin, yelim, o‘chirg‘ichni o‘z ichiga olgan.

Sovg‘alar dastlab Jizzax va Sirdaryo viloyatlariga yetib boradi. Yangi o‘quv yili boshlanguniga qadar mazkur sovg‘alar bosqichma-bosqich barcha maktablarga yetkazilib, o‘quv yilining ilk kuni o‘quvchilarga topshiriladi.

Ma’lumot uchun, 2021–2022 o‘quv yilida 641 604 nafar o‘quvchilar maktablarning 1-sinflariga qabul qilinishi rejalashtirilgan. Mavzuga doir:

• O‘zbekistondagi maktablarda yangi o‘quv yilidan darslar qanday shaklda davom etishi ma’lum qilin
• USAID o‘zbekistonlik maktab o‘quvchilariga 10 mln dollarlik xorij darsliklarini taqdim etadi