Davlat aktivlarini boshqarish agentligi Xorazm viloyat hududiy boshqarmasi “Urganchavtoshohbekat” MChJ tarkibidagi 100 foiz davlat ulushini sotuvga qo‘ydi, deb xabar beradi Spot.
Ta’kidlash kerakki, “Urganchavtoshohbekat” 2021-yilning aprelida sotuvga qo‘yilgan edi, hozirga kelib esa arizalarni qabul qilish muddati 23-avgustgacha uzaytirilgan.
Bino va inshootlar uchun boshlang‘ich narx qariyb 1,5 milliard so‘m etib belgilangan. Hozirda 1 milliard 528 million so‘m taklif qilgan da’vogar mavjud.
Binolarning egallagan umumiy maydoni 682,42 kvadrat metrni tashkil etadi. Ustav kapitali miqdori salkam 3 milliard so‘m. Tenderda g‘olib chiqqan shaxs 20 yil davomida avtoshohbekat va yo‘lovchi tashish faoliyatini ta’minlab berishi kerak.
Bino Xorazm viloyati Urganch shahri Yoshlik ko‘chasida joylashgan.
Avvalroq Shanxay jamg‘armasi Toshkent yog‘-moy kombinatining bir qismiga da’vogarlik qilayotgani, Chorvoqdagi oromgohlardan biri auksion orqali 14,4 mlrd so‘mga sotilgani to‘g‘risida xabar berilgandi. Mavzuga doir:
