Anonymous xakerlari Ilon Maskni bitkoinga haddan ortiq ta’sir ko‘rsatishda ayblab, unga qarshi urush e’lon qildi
Anonymous xakerlar guruhi Tesla va SpaceX rahbari Ilon Maskka uning bitkoinga ta’siri sabab urush e’lon qildi, deb xabar beradi Esquire.
“So‘nggi bir necha yil ichida ko‘pchiligimiz sizning elektromobillar va kosmosni zabt etiladigan dunyoda yashash borasidagi xohishingiz tufayli milliarderlar orasida eng ko‘p daromadga ega bo‘ldingiz. Oxirgi vaqtlarda odamlar sizni e’tibortalab ramziy boy inson sifatida ko‘rmoqda”, — deydi Gay Foks niqobi ostida murojaat qilgan xaker.
Xakerlarning ta’kidlashicha, odamlar tavakkal qilib kriptovalyutaga pul tikmoqda va ko‘pchilik foyda ko‘rish ilinjida, ammo Maskning ushbu haftadagi tvitlari “o‘rta statistik ishlaydigan insonni umuman mensimasligini namoyon etmoqda”.
“Mehnatkash insonlarning orzulari sizning ommmaviy vahimangiz sabab yakson bo‘layotgan bir paytda koshonalaringizdan birida o‘tirib, memlar orqali ularning ustidan kulyapsiz. O‘zingizni eng aqlli inson deb hisoblashingiz mumkin, biroq endi tengingizni topdingiz. Biz — Anonymous. Biz — legion. Kutin”, — deyiladi murojaatda.
Shuningdek, xakerlar Maskning jahon ekologiyasini yaxshilash borasidagi urinishlari samimiy ekaniga shubha bildirgan, chunki kriptovalyuta mayning qilish uglerodlarni havoga chiqarishga bog‘liq vaziyatni yaxshilamaydi. Anonymous’ning fikricha, Mask “ikkala tarafda ham o‘ynashga urinmoqda”.
“Barchasidan kelib chiqiladigan bo‘lsa, dunyoni qutqarish borasidagi urinishingiz insoniyat haqiqa haqiqatda qayg‘urish emas, balki qutqaruvchining komplekslari bilan bog‘liq”, — deya qayd etadi xakerlar.
Maskning tvitlari kriptovalyutalar kotirovkasiga ta’sir ko‘rsatmoqda. Uning Dogecoin haqida yozgani mazkur kriptovalyuta narxining oshishiga olib kelgan.
Eslatib o‘tamiz, 9-may kuni tadbirkor NBC telekanalining Saturday Night Live ko‘rsatuvida boshlovchi sifatida chiqish qildi va efirda Asperger sindromidan aziyat chekishini tan olgan, o‘zining biznes rejalari va g‘oyalaridan kulgan, shuningdek, o‘zi bir necha marotaba gapirgan Dogecoin kriptovalyutasini firibgarlik deb atagan edi.
Shundan keyin Mask Tesla’ning elektromobillarga to‘lov tariqasida bitkoin qabul qilishni to‘xtatayotganini, shuningdek, o‘zining kriptoaktivlari bilan hech qanday operatsiyalarni amalga oshirmasligini ma’lum qildi. Milliarder bu qarorini bitkoin mayningi uchun qazib olinadigan energiya manbasidan foydalanilayotgani, ular esa issiqxona chiqindilarining paydo bo‘lishiga olib kelishidan xavotirda ekani bilan izohladi.
Shundan keyin kriptobirjada bitkoinnning narxi keskin pasaya boshladi. Maskning bayonoti fonida Tesla aksiyalari ham 15 foizga arzonlashdi. Buning natijasida kompaniyaning 21 foiz ulushiga egalik qiluvchi Mask bir hafta ichida 20 milliard dollar yo‘qotdi.
