Bugun,

  • USD 11095.31
  • RUB 173.84
  • EUR 10772.44

Tesla va SpaceX kompaniyalarining asoschisi Ilon Maskning boyligi hafta boshidan buyon 20 milliard dollardan ortiqroqqa kamayib, 145 milliard dollargacha tushdi, deb yozmoqda Forbes nashri.

Foto: AFP

Foto: AFP

9-may kuni Mask NBC telekanalining Saturday Night Live ko‘rsatuvining boshlovchisi sifatida chiqish qildi va efir vaqtida Asperger sindromidan aziyat chekishini tan oldi.

Shoudagi ishtirokigacha Maskning boyligi 166 milliard yevroni tashkil qilayotgan edi. Forbes ma’lumotlariga ko‘ra, Mask Saturday Night Live ko‘rsatuviga chaqirilgan eng badavlat boshlovchi hisoblanadi. 13-may kungi savdolar yopilgach, Maskning boyligi 145,5 milliard dollarni tashkil qildi. Shu bilan birga, u dunyodagi eng boy odamlar ro‘yxatida uchinchi o‘rinni saqlab qoldi.

13-may kuni Ilon Mask Tesla avtomobillarining kriptovalyuta evaziga sotilishi to‘xtatilayotgani haqida ma’lum qildi. Uning so‘zlariga ko‘ra, bitkoin mayningi (bitkoinlar bilan tranzaksiyalarni blokcheynga — Bitcoin bilan bog‘liq barcha operatsiyalar bo‘yicha ochiq ma’lumotlar bazasiga qayd etish jarayoni) ekologik jihatdan zararli bo‘lgani uchun ular orqali yangi mashinaga to‘lov qilish imkoniyati bekor qilindi. Shundan keyin bitkoin va boshqa kriptovalyutalarning kursi keskin pastladi. Bitkoinning eng yuqori tushishi 15 foizni tashkil qildi. Keyinroq kriptovalyuta kursi yana qisman ko‘tarildi.

Ma’lumot uchun, Tesla kompaniyasi 24-mart kuni o‘z mahsulotlari uchun bitkoinlar bilan to‘lash imkoniyatini qo‘shgan edi.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?