Bugun,

  • USD 11095.31
  • RUB 173.84
  • EUR 10772.44

Bolalar bizning kelajagimiz va hayotimiz mazmuni, eng katta orzu-umidlarimizning mujassamlashuvidir. Har bir katta insonning burchi bolalarni e’tibor, muhabbat va g‘amxo‘rlik bilan o‘rab olish, ularni sog‘lom, aqlli va mehribon qilib tarbiyalashdir. Ayni paytda davlatimiz tomonidan o‘sib kelayotgan yosh avlodni har tomonlama barkamol rivojlanishi uchun barcha sharoitlar yaratib berilmoqda.

Bolalarni himoya qilish kuni bolalarga yaxshilik va g‘amxo‘rlik ko‘rsatishning ramziy kuniga aylandi. Ko‘p yillar davomida Lukoil Uzbekistan Operating Company ham ushbu xayrli ishga o‘z hissasini qo‘shib kelmoqda. Lukoil kompaniyasining xayriya loyihalarining aksariyati jismoniy imkoniyati cheklangan bolalar, og‘ir kasalliklar bilan kurashayotgan bolajonlar, mehribonlik uylarining tarbiyalanuvchilari va kam ta’minlangan oilalarning farzandlarini qo‘llab-quvvatlashga qaratilgan.

Bugungi kunda O‘zbekiston Respublikasi faol demografik o‘sish bosqichida turibdi. Respublika ushbu tendensiyani inson kapitalini oshirish yo‘li bilan o‘zgartira oladi, bunga esa maktabgacha yoshdan boshlab bolalarni sifatli ta’lim bilan ta’minlash orqali erishish mumkin.

Kelajak uchun poydevor yaratish muhimligini anglab yetgan mamlakatimizning eng yirik sarmoyadorlaridan biri bo‘lgan Lukoil kompaniyasi uchta maktabgacha ta’lim tashkilotini qurish bo‘yicha xayriya loyihasini amalga oshirmoqda: Buxoroda 250 o‘rinli, Qarshida 150 o‘rinli va Toshkent viloyatida 150 o‘rinli. Lukoil kompaniyasi ushbu yirik ijtimoiy loyihani amalga oshirish uchun 12 million AQSh dollar ajratdi.

Umumiy tipdagi Buxoro bolalar ta’lim tashkiloti (BTT) Rossiyada Lukoil tomonidan maxsus ishlab chiqilgan loyiha bo‘yicha qurilmoqda. Dastlab bunday loyiha Astraxan shahrida amalga oshirilgan edi. Buxorodagi bolalar ta’lim tashkilotining ikki qavatli binosi va unga tutash umumiy maydoni 11 ming kvadrat metrdan ortiq hudud, eng zamonaviy texnika vositalari va jihozlar, basseyn, raqs va sport zallari, kompyuter sinflari, shuningdek, guruh binolari bilan jihozlangan bo‘ladi. Buxorodagi bolalar ta’lim tashkiloti hududida faol o‘yinlar va sport bilan shug‘ullanish uchun velosiped yo‘lakchalari, o‘tli va xavfsiz sintetik qoplamalar bilan qoplangan bolalar maydonchalarini yaratish ko‘zda tutilgan.

Qarshi va Toshkent viloyatida quriladigan yangi bolalar ta’lim tashkilotlari reabilitatsiya markazlariga ega, ko‘p tarmoqli ixtisoslashgan tashkilotlar bo‘ladi, shuningdek, ular har yili 2 yoshdan 15 yoshgacha bo‘lgan, rivojlanishida buzilish mavjud, tibbiy reabilitatsiyaga muhtoj 5—7 ming nafar bolaga xizmat ko‘rsatadi. Maxsus tibbiy asbob-uskunalar Germaniya, Fransiya, Janubiy Koreya, Rossiya va boshqa mamlakatlardan keltiriladi.

Ular uchun Nukusdagi “Imkon” reabilitatsiya markaziga ega bolalar ta’lim tashkiloti prototip, timsol bo‘lib xizmat qiladi. Ushbu loyihada maktabgacha ta’lim tashkiloti va tayanch-harakat apparati, ko‘rish va motorika buzilishlari, shuningdek, aqliy zaif (Daun sindromi, autizm va boshqalar) bo‘lgan bolalar uchun reabilitatsiya markazi birlashtirilgan.

Yangi bolalar ta’lim tashkilotlarida davolash fizkulturasining zamonaviy mashq zallari, fizioterapiya, massaj, sensorli xonalar, nozik motorikani rivojlantirish, ijtimoiy-maishiy adaptatsiya (moslashuv), musiqa, art-terapiya, shuningdek, shifokorlar xonalari joylashgan bo‘ladi.

Qurilish maydonlarida ish qizg‘in davom etmoqda. Ayni paytda kelajakdagi bolalar bog‘chalari uchun binolar va yordamchi inshootlar allaqachon qurilgan, pardozlash ishlari va hududni obodonlashtirish ishlari olib borilmoqda. Lukoil loyihasi sababli minglab bolalar sifatli maktabgacha ta’lim olish imkoniyatiga ega bo‘ladi. Qurilish yakunlangandan so‘ng bolalar bog‘chalari batamom Maktabgacha ta’lim vazirligiga o‘tkaziladi.

Xalqaro bolalarni himoya qilish kuniga Lukoil bolalarni yana bir sovg‘a bilan xursand qildi. Lukoil kompaniyasi ko‘magi bilan “Xalqlar do‘stligi” saroyining maydonida minglab bolalarni quvontirgan bolalar ansambllari, estrada yulduzlari, sirk artistlari va sevimli ertak qahramonlari ishtirokida “Mening baxtli bolaligim” deb nomlangan katta festival bo‘lib o‘tdi. Konsertga bolalar uylari va maxsus maktab-internatlar tarbiyalanuvchilari ham taklif etildi.

Lukoil’ning bolalarni qo‘llab-quvvatlashga qaratilgan ijtimoiy faoliyati har yili o‘tkaziladigan ulug‘vor bayramlar va shou dasturlarni tashkil qilish bilan cheklanib qolmaydi. Lukoil doimiy ravishda bolalar uylari va imkoniyati cheklangan maktab-internatlardagi bolalarga, Toshkent onkologiya markazining bolalar bo‘limi, xayriya va jamoat fondlariga xayriya yordamini ko‘rsatib kelmoqda.

Bu Lukoil kompaniyasining O‘zbekistondagi bolalar rivojlanishi va ta’limini qo‘llab-quvvatlashga qaratilgan xayriya loyihalarining atigi bir qismidir. Bolalarning orzulari o‘sib kelayotgan yosh avlod uchun mas’ul bo‘lgan kattalarning mehr-oqibat va g‘amxo‘rlik bayrog‘i ostida amalga oshadi.

Lukoil kompaniyasi tomonidan O‘zbekistonda madaniyat, ta’lim, sport va tibbiyotni rivojlantirish loyihalarini qo‘llab-quvvatlash uchun ajratilgan xayriya mablag‘larining umumiy miqdori 25 million dollardan oshdi.

Lukoil Uzbekistan Operating Company MChJ matbuot xizmati

Reklama huquqi asosida.

Izoh
Asosiy yangiliklar
Mahalliy
Mashina olib berishni vaʼda qilib, 248 kishini 12 mlrd so‘mga chuv tushirgan firibgarlarga hukm o‘qildi
Mahalliy
Shavkat Mirziyoyev Nukusdagi xonadonda iftorlik qildi (video)
Dunyo
Blinken AQSH fuqarolarini zudlik bilan Rossiyani tark etishga chaqirdi