Toshkentdagi Botanika bog‘i hududida 16-may kuni yong‘in kelib chiqqan, hodisa aks etgan videolavhalar ijtimoiy tarmoqlarda tarqalgandi.
Holat yuzasidan rasmiy ma’lumot bergan FVVning qayd etishicha, yong‘in 16-may kuni soat 11:55 larda Toshkent shahar Yunusobod tumanida joylashgan Botanika bog‘ining orqa tomonida yuz bergan. Ochiq maydonda qurigan xas-xashak va butalgan shox-shabbalarda yong‘in sodir bo‘lgan.
Voqea joyiga Toshkent shahar Favqulodda vaziyatlar boshqarmasi yong‘in-qutqaruv guruhi voqea joyiga yetib borgan.
“Qutqaruvchilarning sa’y-harakatlari natijasida yong‘in o‘z vaqtida o‘rab olinib, bog‘ hududiga o‘tishining oldi olindi. Yong‘indan jabrlanganlar yo‘q. Bog‘ning o‘rmon fondiga zarar yetmagan”, — deyiladi vazirlik xabarida.
Hozirda yong‘inning kelib chiqish sabablari aniqlanmoqda.
