O‘zbekistonda so‘nggi 10 yil ichidagi tug‘ilishlar soni 207 mingtaga ko‘paydi

O‘zbekistonda so‘nggi 10 yil ichida tug‘ilishlar soni 207 mingtaga ko‘paydi. Bu haqda Davlat statistika qo‘mitasi tomonidan e’lon qilingan statistikada qayd etilgan.

Unga ko‘ra, mamlakatda 2010-yilda jami 634 810 nafar chaqaloq dunyoga kelgan bo‘lsa (305 902 nafari — qiz bola, 328 908 nafari — o‘g‘il bola), 2020-yilda ushbu ko‘rsatkich 841 817 nafarni tashkil etmoqda (405 366 nafari — qiz bola, 436 351 nafari — o‘g‘il bola).

Avvalroq Davlat statistika qo‘mitasi O‘zbekistonning doimiy aholisi soni 34,7 million kishiga yetganini ma’lum qilgandi. Qayd etilishicha, doimiy aholi soni 2021-yil boshidan 136,7 ming kishiga oshgan. Mavzuga doir:

• Toshkent shahar aholisi soni 2,7 mln kishidan oshdi
• O‘zbekistonda aholini ro‘yxatga olish 2023-yilga qoldirildi