Toshkent viloyatining Qibray tumanida Damas va “Vaz-2106” (“Jiguli”) to‘qnashdi, deb xabar bermoqda YHXBB matbuot xizmati.
Voqea 10-may kuni soat 08:00 larda, tumanning “Tuzel” QFY hududida yuz bergan. 1992-yilda tug‘ilgan haydovchi I.T. boshqaruvidagi “Jiguli” va 1974-yilda tug‘ilgan haydovchi R.X. boshqaruvida bo‘lgan Damas to‘qnashgan. Oqibatda “Jiguli” haydovchisi tan jarohati bilan shifoxonaga olib ketilgan.
Ushbu YTH yuzasidan Qibray tumani IIB TB tomonidan dastlabki surishtiruv harakatlari olib borilmoqda.
Avvalroq Andijonda olib qochilgan Spark ikkita avtomobilga borib urilgani, Qarshida sodir bo‘lgan YTHda 29 yoshli haydovchi va uning 5 yoshli qizi vafot etgani, Surxondaryoda 3 kishini urib yuborib, ularning o‘limiga sabab bo‘lgan Damas haydovchisi voqea joyidan qochib ketgani haqida xabar berilgan edi.Mavzuga doir: O‘zbekistonda transportda sodir etilgan ayrim huquqbuzarliklar uchun jarimalar miqdorlari o‘zgartirildi
