O‘zbekistonda koronavirus 2021-yilgi yangi antirekordni o‘rnatdi — bir kunda 452 kishida kasallik aniqlandi. Qurbonlar soni ikki nafarga ko‘paydi
O‘zbekistonda 5-may kuni koronavirus infeksiyasini yuqtirib olish bilan bog‘liq 452 ta yangi holat ro‘yxatga olindi — bu kunlik kasallanish bo‘yicha 2021-yilning eng yuqori ko‘rsatkichidir. Bundan avvalgi antirekord 30-aprel kuni qayd etilgan, o‘shanda 442 kishida COVID-19 tasdiqlangan. Shunday qilib, mamlakatda koronavirusga chalingani rasman tan olinganlar soni 93 176 nafarga yetdi.
Yangi kasallanish holatlarining
- 8 nafari Qoraqalpog‘iston Respublikasida,
- 5 nafari Andijon viloyatida,
- 8 nafari Buxoro viloyatida,
- 5 nafari Jizzax viloyatida,
- 5 nafari Qashqadaryo viloyatida,
- 2 nafari Navoiy viloyatida,
- 5 nafari Namangan viloyatida,
- 85 nafari Samarqand viloyatida,
- 7 nafari Sirdaryo viloyatida,
- 3 nafari Surxondaryo viloyatida,
- 10 nafari Farg‘ona viloyatida,
- 9 nafari Xorazm viloyatida,
- 71 nafari Toshkent viloyatida,
- 229 nafari Toshkent shahrida
Sog‘liqni saqlash vazirligining qo‘shimcha qilishicha, Qoraqalpog‘istonda 4 nafar, Buxoroda 2 nafar, Jizzaxda 11 nafar, Qashqadaryoda 2 nafar, Navoiyda 2 nafar, Namanganda 5 nafar, Samarqandda 184 nafar, Surxondaryoda 9 nadar, Farg‘onada 6 nafar, Xorazmda 3 nafar, Toshkent viloyatida 68 nafar, Toshkent shahrida 144 nafar bemor tuzalib, kasallikdan sog‘ayganlar jami 88 975 nafarga yetdi va sog‘ayish ko‘rsatkichi 96 foizni tashkil qilmoqda.
Shuningdek, 2 nafar koronavirusga chalingan bemor vafot etib, kasallikdan vafot etganlar soni 657 nafarni tashkil qilmoqda. Ayni paytda tibbiyot muassasalarida 3544 nafar bemor davolanyapti.
Avvalroq Toshkent Moliya instituti 14 kunga, Samarqand davlat chet tillar instituti o‘quv yili oxirigacha masofaviy ta’limga o‘tkazilgani, Yunusobod hokimining koronavirusga chalingani to‘g‘risida xabar berilgandi.
