Mexiko shahrida metro ko‘prigi qulashi oqibatida halok bo‘lganlar soni 23 kishiga yetdi, qurbonlar orasida voyaga yetmaganlar ham bor. Bu haqda shahar meri Klaudiya Sheynbaumning bayonotiga asoslanib, El Universal xabar berdi.
Avvalroq mahalliy hokimiyat 13 kishi vafot etgani, 70 dan ortiq kishi jarohat olgani haqida xabar bergan bo‘lsa, keyinchalik Sheynbaum 20 kishi vafot etganiga aniqlik kiritdi. 49 nafar jabrlanuvchi kasalxonalarga yetkazilgan.
“Qurbonlarning ayrimlari ko‘prikdan o‘tayotgan transportdan o‘zlari sakragan”, — dedi shahar meri.
Ko‘prik qulashini yozib olgan ko‘cha videokuzatuv kameralaridan olingan kadrlarda ko‘prik ustunlarining oralig‘i poyezd vagonlari bilan birga yerga qulaganini ko‘rish mumkin.
Merning so‘zlariga ko‘ra, qutqaruv ishlariga kran chaqirilgan. “Konstruksiyaning o‘zida paydo bo‘ladigan xavf-xatarlarning oldini olish uchun, biz kran kelguniga qadar ishni to‘xtatdik”, — dedi shahar hokimi.
Keyinroq El Universal kran halokat joyiga yetib kelgani va mashinani xavfsiz holatga keltirish uchun manyovrlarni amalga oshirayotgani haqida xabar berdi. Shahar fuqaro muhofazasi bo‘limi aholidan halokat joyidan uzoqroq bo‘lishni so‘radi.
LAMENTABLE accidente en la línea 12 del metro, CDMX. pic.twitter.com/uLR0IJ4I2N
— SUUMA Voluntarios 🚑 (@SUUMA_CDMX) May 4, 2021
#BREAKING: More than 50 injured and several fatalities, after a metro overpass collapsed in #Mexico City.#BreakingNews pic.twitter.com/lcVr8dIOGm
— The Only Truth (@TheOnlyTruthInc) May 4, 2021
Eslatib o‘tamiz, mahalliy vaqt bilan 3-may kuni 22:30 da (Toshkent vaqti bilan 4-may 08:30) Meksika poytaxtida 12-metro liniyasi ko‘prigi poyezd o‘tib ketayotgan paytda qulab tushgan. Hodisaga metro ko‘prigi ustunlaridan biriga avtomobil kelib urilishi sabab bo‘lgan.
Izoh (0)