Toshkent viloyati Nurafshon shahridagi “Obod turmush” MFYda joylashgan ikki qavatli uyda gaz-havo aralashmasining chaqnashi sodir bo‘ldi, deb xabar bermoqda FVV matbuot xizmati.

Foto: FVV matbuot xizmati

Voqea 27-aprel kuni soat 11:40 da yuz bergan. Hodisa oqibatida binoning 2-qavatiga jiddiy zarar yetgan, shuningdek, bir kishi halok bo‘lgan.

Mazkur holat tabiiy gazning sizib chiqishidan kelib chiqqani taxmin qilinmoqda. Ayni daqiqalarda Favqulodda vaziyatlar vazirligi qutqaruvchilari voqea joyida ishlamoqda.

Vazirlik ushbu vaziyat yuzasidan qo‘shimcha ma’lumotlar berilishi bildirgan.