Rossiyaning Rubsovsk shahrida pulsiz ko‘chada qolgan O‘zbekiston fuqarolari Novosibirsk shahriga olib kelindi, deb xabar beradi Tashqi mehnat migratsiyasi agentligi matbuot xizmati.
Ma’lum qilinishicha, ular vaqtincha xostel va issiq ovqat bilan ta’minlangan.
“Vatandoshlarimizni qiyin ahvolga tushib qolish sabablariga oydinlik kiritish va yordam berish maqsadida mamlakatimizning Novosibirsk shahridagi Bosh konsulxonasi hamda Tashqi mehnat migratsiyasi agentligi vakillari fuqarolar bilan suhbatlashdi”, — deyiladi xabarda.
Ta’kidlanishicha, vujudga kelgan muammolar yechimi, shu bilan birga, fuqarolarga amaliy yordam berish ishlari Bosh konsulxona nazoratiga olingan.
Avvalroq “Yuksalish” umummilliy harakati binosida bo‘lib o‘tgan Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasining majlisida chet elda boshpanasiz qolgan o‘zbekistonlik migrantlarga moliyaviy yordam ko‘rsatilishi ma’lum qilingandi.
Mavzuga doir:
Izoh (0)