2021-yil bahorining eng kuchli Android-smartfonlari nomi e’lon qilindi

AnTuTu benchmarki mart oyi yakunlari bo‘yicha ishlash samaradorligi eng yuqori bo‘lgan smartfonlar reytingini taqdim etdi. 2021-yilda oldingi ro‘yxat keskin o‘zgarishni boshlagan, chunki Snapdragon 865 protsessori o‘rnatilgan oldingi avlod flagmanlari o‘rniga Snapdragon 888 o‘rnatilgan yangi modellar kelmoqda, deb xabar beradi Hi-Tech.Mail.ru.

Reytingning birinchi pog‘onasidan 16 gigabayt tezkor xotiraga ega geymerlar uchun mo‘ljallangan Asus ROG Phone o‘rin olgan — u va ro‘yxatdagi dastlabki beshta o‘rindagi qurilmalar Snapdragon 888 chipida ishlaydi. ROG Phone boshqa smartfonlari tezkor xotirasining sig‘imi sabab ortda qoldirgan, chunki qolgan modellarda bu 12 gigabaytni tashkil etadi:

• Asus ROG Phone 5 (Snapdragon 888) — 731 ming ball;
• iQOO 7 (Snapdragon 888) — 722 ming ball;
• Xiaomi Mi 11 (Snapdragon 888) — 710 ming ball;
• Samsung Galaxy S21 Ultra (Snapdragon 888) — 673 ming ball;
• Oppo Find X3 Pro (Snapdragon 888) — 672 ming ball;
• Samsung Galaxy S21 (Exynos 2100) — 635 ming ball;
• Huawei Mate 40 Pro (Kirin 9000) — 632 ming ball;
• Asus ROG Phone 3 (Snapdragon 865+) — 631 ming ball;
• Samsung Galaxy S21+ (Exynos 2100) — 625 ming ball;
• Oppo Find X2 Pro (Snapdragon 865) — 609 ming ball.

Ro‘yxatdan yangi Realme GT flagmani o‘rin olmagan — AnTuTu kompaniyasi smartfonlar ishlab chiqaruvchisini asos kodlarini almashtirib qo‘yish orqali test natijalarini o‘zgartirishda ayblagan. U Snapdragon 888 protsessorida ishlasa-da, benchmarkda 750 mingdan ortiq ball to‘plagan.

Mavzuga doir: 5G aloqa tarmog‘ida ishlaydigan eng tezkor smartfonlar nomi ma’lum qilindi. iPhone 12 raqiblaridan ancha ortda qolmoqda