My Uzcard va Uzbekistan Airways AJ ilk marotaba aviachiptalarni korporativ kartalar orqali xarid qilish imkoniyatini joriy etdi. Bugundan o‘nlab ishbilarmonlar xizmatdan foydalanishga muvaffaq bo‘ldi.
Pandemiya sharoitida va ko‘plab davlatlarning chegaralari yopilishi natijasida aviaqatnovlar hajmi sezilarli darajada qisqardi. Bundan nafaqat aviakompaniyalar, balki biznes ham jabr ko‘rdi. Ayniqsa bu holatga karantin ta’sir qildi. Aksariyat davlatlar o‘zining tadbirkorlik subyektlarini qo‘llab-quvvatlash usullarini ishlab chiqdi va O‘zbekiston Respublikasi ham bundan mustasno emas.
Biznesni qo‘llab-quvvatlash bo‘yicha choralarning ishlab chiqilishi karantinning ilk kunlaridan boshlandi. Davlat rahbarining farmon va qarorlari jahon pandemiyasining oqibatlarini yumshatishga qaratilgan edi.
Ko‘plab kompaniyalar Prezidentning siyosatiga amal qilishni boshladi. Karantin mobaynida insonlar uchun imkon qadar ko‘proq qulay imkoniyatlarning yaratilishi umumiy maqsadga aylandi. Aynan shu maqsadda My Uzcard Uzbekistan Airways AJ va “Ravnaq bank” AJ bilan hamkorlikda yangi xizmat — chiptalarni aviakompaniyaning sayti orqali korporativ kartalar yordamida onlayn sotib olishni joriy etdi.
“Korporativ karta orqali chiptalarni onlayn xarid qilish nihoyatda qulay. Barchasi puxtalik bilan o‘ylab chiqilgan, kassalarga borish uchun vaqt sarflashning hojati yo‘q. Hisobot tayyorlashda ham oson bo‘ldi – barchasi avtomatik tarzda amalga oshiriladi. Ha, saytda formalarni to‘ldirish bilan bog‘liq muammolar bo‘ldi, lekin bu xodimlar uchun chiptalarga buyurtma berishga halaqit qilmadi. O‘ylaymanki, kelajakda bu xizmat yanada ommabop bo‘ladi, chunki biznes o‘ziga kelmoqda, davlat uni qo‘llab-quvvatlamoqda. Shuning uchun ham xodimlarning ish safarlari tez-tez amalga oshiriladi. Bizni qo‘llab-quvvatlayotgan davlatga va barchaga yaratilgan sharoitlar uchun minnatdorchilik bildiramiz”, — deb izoh berdi Textile Finance Khorezm MChJ hisobchisi Hamidjon Adbiyev.
www.uzairways.com saytida Uzcard korporativ kartasi orqali chiptalarni xarid qilish atigi 4 bosqichda amalga oshiriladi:
- Yo‘nalish, parvoz sanasi va “Uzcard Corporate” to‘lov usulini tanlash;
- Yo‘lovchining shaxsiy ma’lumotlari haqidagi so‘rovnomani to‘ldirish;
- To‘lov usulini belgilash va SMS xabar xizmatiga ulangan mavjud korporativ kartaning ma’lumotlarini kiritish;
- Xaridni amalga oshirayotgan ishonchli vakilning ma’lumotlarini kiritish.
Jarayonni amalga oshirishdan oldin kompyuterda E-Imzo dasturi o‘rnatilganligiga va ERI (elektron raqamli imzo) yuklanganligiga ishonch hosil qilish lozim.
Siz ham xarid qiling: uzairways.com/corpcard
Reklama huquqi asosida.
Izoh (0)