Farg‘ona viloyati Yozyovon tumanida MAN Trailer yuk mashinasi Nexia-2 ishtirokida sodir bo‘lgan yo‘l-transport hodisasi oqibatida ikki kishi halok bo‘ldi. Bu haqda viloyati IIB axborot xizmati xabar berdi.

Foto: Farg‘ona viloyati IIB axborot xizmati

Ma’lum qilinishicha, 21-fevral kuni soat 06:40 larda fuqaro S.A. “Yangibo‘ston” mahallasi hududida MAN Trailer yuk mashinasini boshqarayotganda uxlab qolishi tufayli boshqaruvni yo‘qotgan.

Mashinani chap tomonga burib yuborishi tufayli o‘zi bilan bir yo‘nalishda orqa tomonida harakatlanib kelayotgan U.I. boshqaruvidagi Nexia-2’ning yo‘liga ko‘ndalang turib, to‘qnashib ketgan.

Foto: Farg‘ona viloyati IIB axborot xizmati

Oqibatda Nexia-2’dagi yo‘lovchilar Q.M. va voyaga yetmagan K.A. tan jarohati olib, hodisa joyida vafot etgan. Yana bir yo‘lovchi esa tan jarohatlari bilan shifoxonaga yotqizilgan.

Foto: Farg‘ona viloyati IIB axborot xizmati

Ushbu holat bo‘yicha jinoyat ishi qo‘zg‘atilib, tergov harakatlari davom etmoqda.

Avvalroq Qashqadaryoda o‘yinchoqdan qochib ag‘darilgan Damas’ni turg‘azishga ko‘maklashgan ikki kishini “KamAZ” bosib ketgani to‘g‘risida xabar berilgandi.