Toshkent shahrining Shayxontohur tumani Duchor berk ko‘chasida yong‘in yuz berib, 14 A-uy hududidagi bir-biriga tutashgan 5 ta uy zarar ko‘rdi.
FVV matbuot xizmatining xabar berishicha, voqea 8-fevral kuni soat 13:09 da yuz bergan. Voqea joyiga shahar FVBning 3 ta yong‘in-qutqaruv ekipajlari soat 13:16 da yetib borgan, yong‘in soat 13:30 da qurshab olinib, soat 14:18 da to‘liq o‘chirilgan.
Hodisa oqibatida 5 ta uyning ichki va tom qismlari, jami 130 kvadrat metr maydoni zararlangan.
Olib borilgan tezkor harakatlar natijasida uyning 360 kvadrat metri yong‘indan saqlab qolingan. Yong‘in sababi va zarar miqdori aniqlanmoqda.
Avvalroq Namangandagi xonadonda ro‘y bergan yong‘in bir soatdan so‘ng bartaraf etilgani haqida xabar berilgan edi.Mavzuga doir: Bo‘stonliqda yonma-yon joylashgan 7 ta uy yonib ketdi
