Quyultirilgan sut bilan ajoyib ta’mga ega yong‘oqlar pishiramiz

Oltin rang po‘stlog‘li shirinlik ichini quyultirilgan sut bilan to‘ldirib, mazali yong‘oqlar tayyorlashni pazanda bekajonlarga tavsiya etamiz.

Kerakli mahsulotlar:

• sariyog‘ − 200 gramm;
• un − 390 gramm;
• tuxum sarig‘i −3 dona;
• shakar − 90 gramm;
• qabartma (razrixlitel) − 1/2 choy qoshiq;
• tuz − 1/4 choy qoshiq;
• quyultirilgan sut − 170 gramm.

Tayyorlanish jarayoni

1. Sariyog‘ eritib olinadi.
2. Tuxum sarig‘i va shakar mikser yordamida aralashtiriladi.
3. Ustidan eritilgan sariyog‘, qabartma va tuz solinadi.
4. Massaga un solinib, xamir qoriladi.
5. Xamir sochiq bilan yopilib, 20-30 daqiqaga muzlatkichga qo‘yiladi.
6. Xamir kichkina bo‘laklarga bo‘linadi. Yong‘oq qolipi oldindan qizdirilib, ichiga xamir bo‘laklari joylashtiriladi.
7. Yong‘oqlar 3-4 daqiqa davomida qizarguncha pishiriladi.
8. Tayyor yong‘oq bo‘laklari ichiga quyultirilgan sut quyiladi va bir-biriga yopishtiriladi.
9. Yoqimli ishtaha!

Mavzuga doir:

• Nonushtaga tez tayyor bo‘luvchi va mazali pirog tayyorlaymiz
• Pechda pishirish shart emas: atigi 4 mahsulot bilan shokoladli chizkeyk tayyorlab ko‘ring
• Desert uchun antiqa “profitroli” shirinligini tayyorlaymiz
• Nonushtaga yong‘oq va mandarinli shirin omlet pishiring
• Limon, murabbo va shokoladli: Bir-biridan mazali 3 keks retsepti