O‘zbekistonda 2021-yilning 1-fevralidan benzin narxi oshirilishi haqida xabar berilgan edi. “O‘zbekneftgaz” matbuot xizmati eng xaridorgir Ai-80 benzini 110 so‘mgacha qimmatlashishi mumkinligini ma’lum qildi.
Eslatib o‘tamiz, O‘zbekistonda 2020-yil 1-maydan boshlab avtomobil benzini chakana narxlarini davlat tomonidan tartibga solish bekor qilingan edi. Endi AYOQShlarda benzin narxi raqobat sharoitida, ya’ni bozor konyunkturasidagi talab (xaridorlar qancha sotib olishi) va taklifdan (birja savdolariga qancha benzin qo‘yilgan) hamda soliq va boshqa majburiy to‘lovlardan kelib chiqqan holda erkin shakllanadi.
2021-yilning 1-fevralidan neft mahsulotlari va yakuniy iste’molchiga sotiladigan tovarlarga solinadigan aksiz soliq stavkalari oshiriladi. Bu esa benzin narxiga ta’sir ko‘rsatadi.
Neft mahsulotlariga solinadigan aksiz soliq stavkalari quyidagicha o‘zgaradi:- 1 tonna Ai-80 benzini: amalda — 200 000 so‘m, 1 fevraldan — 240 000 so‘m (o‘zgarish 40 000 so‘m yoki 20 foiz);
- 1 tonna Ai-90 va undan yuqori markali benzin: amalda — 250 000 so‘m, 1 fevraldan — 275 000 so‘m (o‘zgarish 25 000 so‘m yoki 10 foiz);
- 1 tonna dizel yoqilg‘isi: amalda — 200 000 so‘m, 1 fevraldan — 240 000 so‘m (o‘zgarish 40 000 so‘m yoki 20 foiz);
- 1 tonna EKO dizel yoqilg‘isi: amalda — 180 000 so‘m, 1 fevraldan — 216 000 so‘m (o‘zgarish 36 000 so‘m yoki 20 foiz).
- 1 tonna benzin: amalda — 378 480 so‘m, 1 fevraldan — 465 530 so‘m (o‘zgarish 87 050 so‘m yoki 23 foiz);
- 1 tonna dizel yoqilg‘isi: amalda — 346 275 so‘m, 1 fevraldan — 425 918 so‘m (o‘zgarish 79 643 so‘m yoki 23 foiz).
Mavzuga doir: O‘zbekistonda yangi Ai-80 lyuks markali benzin sotuvga chiqarildi
