Tashqi ishlar vaziri Abdulaziz Komilov 24-dekabr kuni Misr elchisi etib tayinlangan Amira Fahmiyni qabul qildi, deb xabar bermoqda TIV matbuot xizmati.
Qayd etilishicha, ishonch yorliqlari nusxalarini qabul qilib olgan vazir elchini O‘zbekistonga tayinlangani bilan tabrikladi va mas’uliyatli diplomatik missiyasini bajarishida muvaffaqiyat tiladi.
Suhbatda ko‘p qirrali O‘zbekiston—Misr munosabatlarining hamda BMT, Islom Hamkorlik Tashkiloti va boshqa xalqaro tashkilotlar doirasidagi hamkorlikning dolzarb masalalari muhokama qilingan.
O‘zbekiston va Misr o‘rtasidagi siyosiy, savdo-iqtisodiy, investitsiya, madaniy-gumanitar aloqalarni yanada faollashtirish istiqbollari bo‘yicha hamda turli darajadagi bo‘lajak qo‘shma tadbirlar jadvali yuzasidan fikr almashilgan.
21-dekabr kuni Abdulaziz Komilov O‘zbekistonning Rossiyadagi elchixonasida qarorgohi Moskvada joylashgan xorijiy davlatlarning elchilaridan ishonch yorliqlarini qabul qilib olgandi. Mavzuga doir:
