Toshkentdagi “O‘rikzor” bozori ikki yil davomida ko‘p milliardlik foyda bilan chuqur minusdan chiqdi. Bu haqda Davlat aktivlarini boshqarish agentligi ma’lumotlariga tayanib, Spot xabar berdi.
E’lon qilingan moliyaviy hisobotga ko‘ra, bozorni boshqaruvchi “O‘rikzor savdo kompleksi” MChJ 2018-yilda 53,6 milliard so‘m, 2019-yilda esa 59,1 milliard so‘m foyda ko‘rgan. 2020-yilning uchinchi choragi bo‘yicha foyda 36,5 milliard so‘mni tashkil etmoqda.
Biroq kompaniya faqat o‘tgan ikki yil ichida foyda ko‘rgan — 2018-yilni 15,9 milliard so‘m zarar bilan yopgan:
Bir yilda MChJ 33 milliard so‘mga yaqin soliq to‘laydi. Bozorning 2 milliard so‘mga yaqin qarzi bor, biroq uning o‘zidan 13 milliard so‘mdan ortiqroq qarzdorlik mavjud. Sof aktivlar uch yildan buyon o‘smoqda:
Eslatib o‘tamiz, 2018-yilda Toshkentdagi “O‘rikzor” ulgurji-chakana bozori sotuvga qo‘yilgan edi. O‘shanda Toshkent avtomobil halqa yo‘lida joylashgan, 22,7 ming kvadrat metr maydonga ega birinchi kompleks 42,7 milliard, Uyg‘ur ko‘chasidagi maydoni 23,6 ming kvadrat metr bo‘lgan ikkinchi kompleks 62 milliard so‘mdan taklif etilgan. Keyinroq Xususiylashtirilgan korxonalarga ko‘maklashish va raqobatni rivojlantirish davlat qo‘mitasining Toshkent shahar hududiy boshqarmasi bozor sotuvga qo‘yilmaganini bildirgan edi.
Izoh (0)