Turkmaniston prezidenti Gurbanguli Berdimuhamedov Jo Baydenni AQShda bo‘lib o‘tgan prezidentlik saylovlaridagi g‘alaba qozongani bilan tabrikladi. Bu haqda Turkmaniston davlat axborot agentligi xabar berdi.
“Turkmaniston va AQSh o‘rtasidagi do‘stlik, hamfikrlik va o‘zaro manfaatli sheriklik munosabatlari ikki davlat xalqlari ravnaqi uchun kelgusida ham mustahkamlanib borishiga ishonchim qat’iy”, — deyiladi Berdimuhamedovning Baydenga yo‘llagan maktubida.
Berdimuhamedov o‘z maktubida Turkmaniston AQSh bilan hozirgi munosabatlar darajasini yuqori baholashini va ikki tomonlama hamkorlikning teng huquqlik, o‘zaro hurmat va o‘zaro manfaatlar himoyasi tamoyillari asosida yanada oshirilishiga katta ahamiyat berishini ta’kidlab o‘tgan.
Avvalroq Turkiya prezidenti Rajab Toyyib Erdo‘g‘on va BMT bosh kotibi Antoniu Guterrish, Janubiy Koreya prezidenti Mun Chje In, Xitoy raisi Si Szinpin Jo Baydenni AQSh prezidentligi saylovidagi g‘alaba bilan tabriklagani haqida xabar berilgandi. Mavzuga doir:- Donald Tramp “bolalar stoli”da matbuot anjumani o‘tkazdi. U deyarli mag‘lubiyatini tan oldi, biroq hech kim uni eshitmadi — hamma stolga qaradi
- Tramp Oq uyni qachon tark etishini ma’lum qildi
