Bugun,

  • USD 11095.31
  • RUB 173.84
  • EUR 10772.44

Janubiy Koreya prezidenti Mun Chje In 12-noyabr kuni Jozef Bayden bilan telefon orqali muloqot qilib, uni AQSh prezidentligi saylovlarida erishgan g‘alabasi bilan tabrikladi, deb xabar beradi “TASS”.

Foto: “RG.ru”

Foto: “RG.ru”

“Hozirgina Jo Bayden bilan gaplashdim va uni saylangani bilan tabrikladim. Biz Janubiy Koreya—Amerika hamkorligi hamda Koreya yarimorolida tinchlik va farovonlikni o‘rnatish tarafdori ekanligimizni yana bir bor tasdiqladik” — deb yozadi Koreya yetakchisi o‘zining Twitter’dagi sahifasiga.

Uning qo‘shimcha qilishicha, mamlakat Qo‘shma Shtatlar bilan hamkorlikni davom ettiradi, jumladan, koronavirus va iqlim muammolari bo‘yicha ham.

Avvalroq Turkiya prezidenti Rajab Toyyib Erdo‘g‘on va BMT bosh kotibi Antoniu Guterrish Jo Baydenni AQSh prezidentligi saylovidagi g‘alaba bilan tabriklagan edi. Rossiya prezidentining matbuot kotibi Dmirtiy Peskov esa Putin “saylov natijalari rasman e’lon qilinganidan keyin” tabriklashini bildirgan.

Eslatib o‘tamiz, 7-noyabr kuni Associated Press, CNN, The New York Times, ABC News, Fox News va boshqa OAVlar Jo Baydenni AQShning saylangan prezidenti deb e’lon qildi. OAV hisob-kitoblariga ko‘ra, prezidentlikka nomzod – Demokratik partiyadan ko‘rsatilgan sobiq vitse-prezident Jo Bayden Pensilvaniya shtatida g‘alaba qozongan va prezident saylovida g‘olib chiqish uchun tanlovchilarning kamida 270 ta ovozi kerak bo‘lgan holatda 273 ta ovozni qo‘lga kiritgan.

AQShning amaldagi prezidenti Donald Tramp Amerikaning yirik ommaviy axborot vositalari Jo Baydenning saylovlarda g‘olib chiqqanligini e’lon qilganidan keyin hozircha mag‘lubiyatini tan olishdan bosh tortdi.

Izoh
Asosiy yangiliklar
Dunyo
“Ukrainadagi urushni Rossiya boshlamagan” — Putin (video)
Mahalliy
O‘zbekistonda davlat tashkilotlari mashinalariga gaz quyish vaqtincha taqiqlandi
Mahalliy
Toshkentda Cobalt yo‘ldan o‘tayotgan ona-bolani urib yubordi (video)