BMT bosh kotibi Jo Baydenni AQSh prezidentligi saylovidagi g‘alaba bilan tabrikladi

BMT bosh kotibi Antoniu Guterrish Jozef Bayden va Kamala Xarrisni AQSh prezidentligi saylovidagi g‘alaba bilan tabrikladi. Bu haqda bosh kotibning rasmiy vakili Stefan Dyujarrik ma’lum qildi, deb yozmoqda “TASS”.

“U saylangan prezident va saylangan vitse-prezidentni tabriklaydi hamda AQSh va BMT o‘rtasidagi sheriklik bugun dunyo duch kelayotgan xalqaro muammolar bilan kurashdagi xalqaro hamkorlik uchun ko‘p qirrali tosh bo‘lib qolishini tasdiqlaydi”, — deya ma’lum qilgan rasmiy vakil.

OAV vakillari bosh kotib g‘oliblarning ismlarini aytmaganiga e’tibor qaratdi. “Albatta, agar shubha bo‘lsa, u Jozef Bayden va Kamola Xarris haqida gapirgan”, — deya ta’kidlagan bosh kotibning vakili.

Dyujarrikning xabar berishicha, Guterrish va Bayden o‘rtasida hozircha “to‘g‘ridan to‘g‘ri aloqa bo‘lmagan”. “Bu aloqa yaqin vaqt ichida tayyorlanayotgani haqida menda ma’lumot yo‘q”, — deya qo‘shimcha qilgan vakil.

Uning so‘zlariga ko‘ra Guterrish Amerika xalqini o‘tgan prezidentlik saylovida demokratiyaning yorqin namoyon bo‘lgani bilan ham tabriklagan.

Tabriklarga BMT Bosh assambleyasining 75-sessiyasi raisi, Turkiya vakili Vulqon Bozkir ham qo‘shilgan. “Bosh assambleya raisi Twitter’da AQShning saylangan prezidenti Jo Baydenga, shuningdek, Kamala Xarrisga o‘zining qaynoq tabriklarini e’lon qildi. Bayden uzoq vaqt davomida BMTning ishini qo‘llab-quvvatlaydi. Vitse-prezident lavozimiga ayolning saylanishi — gender tengligi uchun juda muhim yo‘nalish”, — deya ma’lum qilgan raisning rasmiy vakili Brendan Varma.