Farg‘ona viloyati Beshariq tumanida Lacetti haydovchisi e’tiborsizlik sabab 8 yoshli qizaloqni urib yubordi. Bu haqda IIV YHXBB axborot xizmati xabar berdi.

Kadr: Telegram

Ma’lumotlarga ko‘ra, 30-oktabr kuni soat 11:40 larda Lacetti haydovchisi Beshariq tumanidagi 22-umumiy o‘rta ta’lim maktabi qarshisidagi piyodalar o‘tish yo‘lagidan o‘tayotgan 2-sinf o‘quvchisini urib yuborgan. Ko‘rsatilgan tibbiy yordamga qaramay, qizaloq shifoxonada vafot etgan.

Ta’kidlanishicha, yo‘l-transport hodisasi haydovchining piyodaga yo‘l bermagani sababli sodir bo‘lgan. Hozirda holat yuzasidan surishtiruv va tergov harakatlari olib borilmoqda.

Avvalroq Namanganda Chevrolet Tracker 6 yoshli bolani urib yuborgani va bolakay shifoxonada vafot etgani, shuningdek, Toshkentda Spark to‘satdan yo‘lga chiqib qolgan 2 yoshli bolani urib ketgani va bolakay olingan tan jarohatlari oqibatida vafot etgani to‘g‘risida xabar berilgandi.