O‘zbekistonda 2020-yilning 1-sentabr holatiga xorijdan import qilingan avtomobil benzini hajmi 90,1 million litrni tashkil etib, 2019-yilning mos davri bilan solishtirilganda 87 million litrga oshgan. Bu haqda Davlat statistika qo‘mitasi ma’lum qildi.
Qayd etilishicha, o‘tgan sakkiz oy mobaynida import qilingan benzinning eng ko‘p hajmi Qozog‘iston (47,7 million litr), Rossiya (36,5 million litr), Turkmaniston (5,6 million litr) va 232,1 ming litr bilan Qirg‘iziston hissasiga to‘g‘ri kelgan.
Ma’lumot o‘rnida, 2020-yilning 1-sentabr holatiga ko‘ra, O‘zbekistonda 694,2 ming tonna benzin ishlab chiqarilgan.
Avvalroq O‘zbekiston tovar xomashyo birjasida ilk bor Turkmanistonning ECO-93 benzini sotuvga qo‘yilgani xabar qilingandi. Mavzuga doir:
