O‘zbekistonda dollar kursi olti hafta ichida birinchi bor pasaydi

O‘zbekiston Markaziy banki 28-iyuldan xorijiy valyutalarning o‘zbek so‘miga nisbatan yangi qiymatini belgiladi.

Unga ko‘ra, dollarning rasmiy kursi 2,7 so‘mga pasayib, 10 207,69 so‘mni tashkil qildi. Yevro esa 229,65 so‘mga oshib, 11 896,04 so‘m bo‘ldi. Shuningdek, rubl kursi ham 26 tiyinga ko‘tarilib, 142,37 so‘mga yetgan.

Avvalroq dollarning rasmiy kursi qatorasiga beshinchi hafta ko‘tarilib, 10 210,39 so‘mni tashkil qilgani to‘g‘risida xabar berilgan edi.

Mavzuga doir: O‘zbekiston oltin-valyuta zaxiralari hajmi ilk bor 32 mlrd dollardan oshdi