APL. “Tottenhem” London derbisida “Arsenal” ustidan irodali g‘alabani qo‘lga kiritdi
Futbol bo‘yicha Angliya Premyer Ligasining 35-turidan o‘rin olgan London derbisida “Tottenhem” va “Arsenal” 12-iyul, yakshanba kuni o‘zaro bahs yuritdi.
Uchrashuv faol boshlagan “Arsenal” futbolchilari 16-daqiqada hisobni ochdi: Aleksandr Lyakazett jarima maydoni tashqarisidan kuchli zarba yo‘llab, jamoasini oldinga olib chiqdi. Oradan uch daqiqa o‘tib maydon egalari hisobni tenglashtirdi. Son Hyon Min raqib himoyasidagi xatodan keyin darvozabon bilan birga-bir vaziyatga chiqib bordi va o‘z imkoniyatini ko‘kka sovurmadi.
Ikkinchi bo‘limda ham kichik ustunlik Mikel Arteta shogirdlari tomonidan bo‘lgan bo‘lsa ham, gol urish “shporlar”ga nasib etdi. 81-daqiqada Tobi Alderveyrld burchakdan uzatilgan to‘pga boshi bilan zarba berib, “kanonirlar” darvozasini ishg‘ol qildi.
Mazkur g‘alabadan keyin “Tottenhem” 52 ochko bilan 8-o‘ringa ko‘tarildi. “Arsenal” (50) esa 9-pog‘onada qoldi.
APL
35-tur bahslari
12-iyul, yakshanba
“Tottenhem” — “Arsenal” 2:1
Gollar: 0:1 – 16 Lyakazett, 1:1 – 19 Son Hyon Min, 2:1 – 81 Alderveyreld.“Tottenhem”: Lyoris, Orye, Alderveyreld, Devis, Sanches, Uinks, Lo Chelso (Skipp, 84), Lukas Moura (Bergveyn, 82), Sissoko, Son Hyon Min (Lamela, 90), Keyn.
“Arsenal”: Martines, Belyerin (Soaresh, 84), David Luiz, Mustafi, Tirni (Uillok, 84), Sebalyos, Jaka, Pepe (Saka, 70), Kolashinats (Nelson, 84), Lyakazett, Obameyang.
Ogohlantirishlar: Lo Chelso (16), Orye (34), Lyakazett (45), Devis (45), Pepe (61), Uinks (76), Bergveyn (87), Saka (90).
“Vulverhempton” — “Everton” 3:0
Gollar: 1:0 – 45, penalti Ximenes, 2:0 – 46 Dendonker, 3:0 – 74 Diogu Jota.“Aston Villa” — “Kristal Pelas” 2:0
Gollar: 1:0 – 45 Trezege, 2:0 – 59 Trezege.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
