Yangi turdagi koronavirus infeksiyasi bilan kasallangan insonlarning 80 foizini buyragiga zarar yetadi. Bu haqda fransiyalik tadqiqotchilar tomonidan e’lon qilingan ma’lumotlarga tayanib, RFI xabar berdi.

Olimlarning so‘zlariga ko‘ra, bemor buyragining shikastlanganiga uning siydigida oqsil, fosfat va glyukoza miqdori ko‘paygani ko‘rsatmoqda.

“Virus buyrak kanalchalari tizimi hujayralariga shikast yetkazadi”, — deya aniqlik kiritadi ekspertlar.

Tadqiqot mualliflarining ogohlantirishicha, bu kabi effekt organizmning jiddiy oqibatlariga olib keladi. Chunki COVID-19 bilan kasallanganlarda fosfatlar kamaygani sabab suyaklar zichligi pasayib ketadi va og‘irlar paydo bo‘ladi. Qonda kislorod miqdorining oshib ketishi esa boshqa salbiy oqibatlarni yuzaga keltirishi mumkin.

“Shuningdek, koronavirus infeksiyasi bilan kasallanish oqibatida buyragiga zarar yetgan bemorlarda tez-tez siyish, suvsizlanish, tashnalikning kuchayishi va hujayra energiyasining yo‘qolishi sabab jismoniy holsizlik kuzatilishi mumkin”, — deyiladi maqolada.