Bugun,

  • USD 10940.05
  • RUB 182.26
  • EUR 11121.65

O‘zbekistoning Xitoydagi elchixonasi tashabbusi bilan O‘zbekiston—Qirg‘iziston—Xitoy temiryo‘l qurilishi loyihasini amalga oshirish bo‘yicha kelgusidagi amaliy chora-tadbirlar muhokamasiga bag‘ishlangan navbatdagi videokonferensiya tashkil etildi. Bu haqda “Dunyo” axborot agentligi xabar bermoqda.

XXR 1-loyiha-qidiruv instituti vitse-prezidenti Chju Lichjen raisligida o‘tgan onlayn-muloqotda pandemiya sharoitida davlat chegaralari orqali temiryo‘l transportida yuklarni tashish tobora dolzarb ahamiyat kasb etayotgani ta’kidlandi.

Uchrashuvda temiryo‘l o‘tadigan dovonlarda tonnellar va ko‘priklar qurish, ulardan foydalanishda harakat xavfsizligining ta’minlanishi, elektr liniyalarini ulash, qurilishga sarmoya kiritish, temiryo‘lning aholi yashash punktlaridan o‘tadigan qismlari barpo etilishi va boshqa masalalar yuzasidan fikr almashildi.

Shu bilan birga, temiryo‘lni loyihalash va qurilish ishlarida qo‘llanilayotgan texnik standartlar, uni moliyalashtirish manbalari va boshqa muhim tashkiliy masalalar borasida fikr almashildi.

Tomonlar kun tartibidagi masalalar bo‘yicha bildirilgan takliflarni atroflicha o‘rganish va navbatdagi masalalar muhokamasiga bag‘ishlangan tadbirni izchil davom ettirishga kelishib oldi, deyiladi agentlik xabarida.

Mazkur loyiha 2020-yil 20-may kuni O‘zbekiston transport vaziri Elyor G‘aniyev, Qirg‘iziston transport va yo‘l vaziri Janat Beyshenov, Xitoy Xalq Respublikasining islohotlar va rivojlanish bo‘yicha davlat qo‘mitasining chet el kapitali va xorijiy investitsiyalar departamenti bosh direktori o‘rinbosari Chjen Chiping boshchiligida videokonferensaloqa shaklida muhokama qilingandi.

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak