Transport vazirligi huzuridagi Avtomobil yo‘llari qo‘mitasi raisining o‘rinbosari lavozimida ishlab kelgan Xurshid Mirzohidov O‘zbekistonning Qirg‘iziston respublikasidagi favqulodda va muxtor elchisi etib tayinlandi. Bu haqda Tashqi ishlar vazirligi xabar qilgan.
Xabarga ko‘ra, Xurshid Mirzohidov 2020-yil 30-may kuni O‘zbekistonning Qirg‘iziston respublikasidagi favqulodda va muxtor elchisi etib tayinlangan va Bishkek shahriga yetib borgan.
Xurshid Mirzohidov Axborot texnologiyalari va kommunikatsiyalarini rivojlantirish vaziri, O‘zbekiston Milliy teleradiokompaniyasi raisi, Transport vazirligi huzuridagi Avtomobil yo‘llari qo‘mitasi raisining o‘rinbosari lavozimlarida ishlagan.
Xurshid Mirzohidov 1971-yil Toshkent shahrida tug‘ilgan. 1995-yili Toshkent elektrotexnika aloqa institutini radioaloqa, radioeshittirish va televideniye muhandisi mutaxassisligi bo‘yicha, 2004-yili Prezident huzuridagi Davlat va jamiyat qurilish akademiyasi Oliy biznes maktabini biznesni boshqarish magistri unvoni bilan tamomlagan.
Izoh (0)