Navoiy viloyatining Zarafshon shahrida 13-mayga o‘tar kechasi kuchli yomg‘ir oqibatida sel kelishi kuzatildi. Aholi vakillarining so‘zlariga ko‘ra, kuchli shamol bilan birga kechgan jala soat taxminan 1:00 da boshlangan, FVV ma’lumotlariga ko‘ra kuchli yomg‘ir soat 2:30 dan 4:30 gacha bo‘lgan oraliqda kuzatilgan.
Rasmiy ma’lumotlarga ko‘ra, xavf ostida qolgan kamida 300 nafar fuqaro evakuatsiya qilingan, qutqaruv ishlariga kamida viloyat Favqulodda vaziyatlar boshqarmasining 9 ta texnikasi va 70 nafar shaxsiy tarkibi jalb etilgan.
Ijtimoiy tarmoqlar Zarafshon shahrining seldan keyingi holati aks etgan videoxabarlarga to‘ldi. Quyida ular bilan tanishish mumkin.
