Buxoroda Nexia’ning gaz balloni portlab ketib, uch kishi halok bo‘ldi

Buxoro viloyatida 20-mart, juma kuni, soat taxminan 17:20 da harakatlanib ketayotgan Nexia-3 avtomobilining gaz ballon uskunasi portab ketdi, deya xabar bermoqda IIV huzuridagi Tergov departamenti matbuot xizmati.

Oqibatda orqa o‘rindiqda o‘tirgan 50 yoshli L.S. ismli ayol hodisa joyida halok bo‘lgan. Shuningdek, ko‘rsatilgan tibbiy yordamga qaramay, 24 yoshli A.U. ismli ayol va uch yoshli A. shifoxonada vafot etgan — portlash vaqtida ular ham orqa o‘rindiqda bo‘lgan.

Mashina haydovchisi — 50 yoshli I.N. va old o‘rindiq bo‘lgan 27 yoshli B.U. esa yengil tan jarohati olib, tibbiy yordam olish uchun murojaat qilgan. Qayd etishlaricha, portlash sabablarini aniqlash ustida ish olib borilmoqda. Mavzuga doir:

• Foto: Andijon “gaz zapravka”sidagi portlash tafsilotlari ma’lum qilindi
• Gulistondagi gaz quyish shoxobchasida avtobus gaz balloni portlab ketdi
• Qorovulbozorda portlagan Nexia yuzasidan O‘zbekiston IIV axborot berdi
• Bosh prokuratura Buxoroda portlagan Nexia haqida ma’lumot berdi
• Qashqadaryoda Nexia yukxonasiga o‘rnatilgan gaz balloni portladi. Yo‘lovchi halok bo‘ldi
• Bosh vazir o‘rinbosari Buxorodagi fojia yuzasidan tezkor yig‘ilish o‘tkazdi