IIV huzuridagi Tergov departamenti 25-fevral kuni Andijon viloyati Xo‘jaobod tumanida avtomobillarga gaz quyish shoxobchasida yuz bergan portlash bo‘yicha qo‘shimcha ma’lumot berdi.
Ma’lum qilinishicha, 32 yoshli Sh.O.ning boshqaruvidagi Nexia avtomashinasida sodir bo‘lgan portlash oqibatida gaz quyish shoxobchasi xodimi A.K. jarohatlanib, unga tibbiy yordam ko‘rsatilgan. Boshqa jarohatlanganlar qayd qilinmagan. Portlashda 6 ta avtomashinaga turli darajada shikast yetgan.
Tekshiruvlarda aniqlanishicha, ushbu mashinada 2012-yilda ishlab chiqarilgan 100 litr hajmdagi gaz ballon 2018-yilda o‘rnatilgan. Qolaversa uning seriya raqamlari gaz uskunasini qayd etish hujjatlariga mos kelmasligi aniqlangan.
Mazkur holat yuzasidan Xo‘jaobod tumani IIB huzuridagi Tergov bo‘limi tomonidan tergovga qadar tekshiruv harakatlari olib borilmoqda.
Mavzuga doir: Video: Andijondagi gaz “zapravka”da Nexia portladi
