Afg‘oniston shimoli-sharqida ro‘y bergan portlash oqibatida 9 nafar o‘quvchi halok bo‘ldi

Afg‘oniston shimoli-sharqidagi Taxar viloyatida bugun 2-noyabrda yuz bergan portlash oqibatida maktab tomon yo‘l olgan o‘quvchilar halok bo‘ldi. Bu haqda Pajvak agentligining Twitter’dagi xabariga asoslanib “RIA Novosti” ma’lum qildi.

Mamlakatdagi hech bir terrorchilik tashkiloti “Tolibon” harakati ham, IShID ham amalga oshirilgan portlash yuzasidan mas’uliyatni o‘z zimmasiga olgani yo‘q. Mavzuga doir: 

• Afg‘oniston bosh vaziri tinchlik bo‘lsa, xorij kuchlari mamlakatdan chiqib ketishini ta’kidladi
• Afg‘oniston razvedkasi Osiyodagi “Al-Qoida” terrorchilik guruhi yetakchisining o‘ldirilganini xabar qildi

Avval Afg‘onistonning Forob viloyatida mina portlashi oqibatida yo‘l atrofda o‘ynab yurgan 8 nafar bola halok bo‘lgan va bir nafar bola jarohat olib omon qolgandi. Mavzuga doir:

• BMT Afg‘onistonda saylovlar va ularga tayyorgarlik vaqtida 85 nafar odam terrorchilar tomonidan o‘ldirilganligini ma’lum qildi
• Afg‘onistonda avtobus yonidagi portlashda kamida 10 kishi halok bo‘ldi

Shuningdek, 18-oktabr, juma kuni Afg‘oniston sharqidagi masjidda amalga oshirilgan portlash natijasida 62 nafar odamning halok bo‘lgani xabar qilingan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.