Futbol bo‘yicha Yevro—2020 musobaqasi saralash bosqichi 6-turi doirasida 10-sentabr, seshanba kuni guruhlarda 7 ta o‘yin yakunlandi.
“A” guruhidan o‘rin olgan bahsda Garet Sautgeyt qo‘l ostidagi Angliya terma jamoasi “Sent-Meris” stadionida Kosovo termasini qabul qildi.
Bellashuv davomida Angliya termasi vakillari Rahim Sterling (8), Harri Keyn (19) hamda Jeydon Sancho (44, 45) raqib darvozasiga gol urgan bo‘lsa, kosovoliklarning gollariga Valon Breshia (1, 49) va Vedat Muriki (55, penalti) mualliflik qildi. O‘yinning 38-daqiqasida esa Kosovo himoyachisi o‘z darvozasini ishg‘ol qilib qo‘ydi.
Shu tariqa Angliya o‘z uyida Kosovoni 5:3 hisobida taslim etdi va 3 ochkoni qo‘lga kiritdi.
Mazkur g‘alabadan so‘ng angliyaliklar ochkolari sonini 12 taga yetkazib guruhda peshqadamlik qilmoqda. Kosovo esa 8 ochko bilan 3-o‘rinda bormoqda.
“A” guruhidagi holat:
Fernandu Santush boshqaruvidagi Portugaliya terma jamoasi mehmonda Litva termasini sinovdan o‘tkazdi.
Uchrashuvda portugaliyaliklar yetakchisi Krishtianu Ronaldu (7—penalti, 61, 65, 76) poker qayd etgan bo‘lsa, yarim himoyachi Vilyam Karvalyu (90) ham o‘z nomiga bitta gol rasmiylashtirib qo‘ydi. Litvalik himoyachi Vitautas Andryushkyavichyus (28) esa jamoasining yagona goliga mualliflik qildi.
Natijada Portugaliya Litvani yirik 5:1 hisobida mag‘lubiyatga uchratdi va navbatdagi 3 ochkoga ega bo‘ldi.
Ma’lumot uchun, Portugaliya “B” guruhida 8 ochko jamg‘argan holda 2-o‘rinni egallab turibdi. Litva esa 1 ochko bilan so‘nggi o‘rinda bormoqda.
“B” guruhidagi holat:
Shu kuni “H” guruhida Didye Desham boshliq amaldagi Jahon Chempioni Fransiya terma jamoasi Andorra termasiga qarshi maydonga tushdi.
To‘qnashuvning 18-daqiqasida fransiyalik yarim himoyachi Kingsli Koman hisobni ochgan bo‘lsa, 52-daqiqaga kelib Kleman Langle fransuzlarning 2-goliga mualliflik qildi. 90-daqiqada esa Vissam Ben-Yedder hisobni yirik ko‘rinishga olib keldi (3:0).
Bahs yakuniga ko‘ra, Fransiya Andorra darvozasiga javobsiz 3 ta gol urib, g‘alaba qozondi.
Qayd etish joiz, fransuzlar 15 ochko to‘plagan holda guruhda yetakchilik qilayotgan bo‘lsa, Andorra birorta ham ochko yig‘a olmay oxirgi o‘rindan joy oldi.
“H” guruhidagi holat:
Yevro—2020
Saralash bosqichi
6-tur bahslari
10-sentabr, seshanba
“A” guruhi
Angliya—Kosovo 5:3
Gollar: 0:1 —1 Berisha, 1:1 — 8 Sterling, 2:1 — 19 Keyn, 3:1 — 38, avtogol Voyvoda, 4:1 — 44 Sancho, 5:1 — 45 Sancho, 5:2 — 49 Berisha, 5:3 — 55, penalti MurikiChernogoriya—Chexiya 0:3
Gollar: 0:1 — 54 Souchek, 0:2 — 57 Masopust, 0:3 — 90, penalti Darida“B” guruhi
Litva—Portugaliya 1:5
Gollar: 0:1 — 7, penalti Ronaldu, 1:1 — 28 Andryushkyavichyus, 1:2 — 61 Ronaldu, 1:3 — 65 Ronaldu, 1:4 — 76 Ronaldu, 1:5 — 90 Vilyam KarvalyuLyuksemburg—Serbiya 1:3
Gollar: 0:1 — 36 Mitrovich, 0:2 — 55 Radonich, 1:2 — 66 Tyurpel, 1:3 — 78 Mitrovich“H” guruhi
Albaniya—Islandiya 4:2
Gollar: 1:0 — 32 Dermaku, 1:1 — 47 Sigurdsson, 2:1 — 52 Xyusay, 2:2 — 58 Sigtorsson, 3:2 — 79 Roshi, 4:2 — 82 SikaleshiFransiya—Andorra 3:0
Gollar: 1:0 — 18 Koman, 2:0 — 52 Langle, 3:0 — 90 Ben-YedderMoldova—Turkiya 0:4
Gollar: 0:1 — 37 Tosun, 0:2 — 57 Tyuryuch, 0:3 — 79 Tosun, 0:4 — 88 YazijiYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)