Navoiyda bayram obyektlarida favqulodda vaziyatlarning oldini olishga qaratilgan o‘quv mashg‘ulotlari o‘tkazilmoqda

Navoiy viloyati Favqulodda vaziyatlar boshqarmasi tomonidan bayram tadbirlari o‘tkaziladigan obyektlarda yuzaga kelishi mumkin bo‘lgan favqulodda vaziyatlarning oldini olish va ular sodir bo‘lganda kechiktirib bo‘lmaydigan avariya-qutqaruv ishlarini tashkil etishga qaratilgan o‘quv mashg‘ulotlari o‘tkazilmoqda. Bu haqda “Daryo”ga boshqarma mutasaddilari ma’lum qildi.

O‘quv mashqlari yig‘in, texnikalar va asbob-anjomlar ko‘rigi, sodir bo‘lgan shartli yong‘inni bartaraf etish, tan jarohati olgan fuqarolarga birinchi tibbiy yordam ko‘rsatish kabi bosqichlarda bo‘lib o‘tmoqda.

O‘quv mashqlari davomida hamkorlikdagi xizmatlar rejalari amalda tekshirilib, ularga aniqlik kiritilmoqda. Navoiy va Zarafshon shaharlari, Koninex, Kiziltepa, Navbahor, Nurota, Xatirchi va Karmana tumanlarida o‘tkazilgan o‘quv mashg‘ulotlariga Milliy gvardiya, IIB, FVB, YoXB, SSB, DSENM, elektr, gaz va suv taminoti xizmatlaridan jami 588 nafar xodim va 89 ta texnika jalb etildi.