Toshkent shahrining Mirzo Ulug‘bek tumanida ikki shaxsning o‘zaro janjali o‘lim bilan yakun topdi. Bu haqda IIV Jamoatchilik va OAV bilan aloqalar boshqarmasi xabar berdi.

Foto: “Zarnews”

2019-yil 12-avgust kuni soat 01:00 larda Toshkent shahrining Mirzo Ulug‘bek tumani Qaynarsoy ko‘chasida yashovchi 40 yoshli A.L. uyida o‘zaro janjal tufayli tanishi, Gyote ko‘chasida yashovchi 52 yoshli H.M.ning boshi va qorin qismiga urib-tepib jarohat yetkazgan.

Natijada H.M. kasalxonaga keltirilganida vafot etgan. A.L. ushlangan.

Holat yuzasidan jinoyat ishi qo‘zg‘atilib, tergov harkatlari olib borilmoqda.