Namangan viloyatining Norin tumanida Davlat xizmatlari markazi binosi foydalanishga topshirildi. Bu haqda “Daryo”ga DXA viloyat boshqarmasi matbuot xizmati ma’lum qildi.
Mazkur DXM “Obod markaz” dasturi doirasida qurildi. Buning uchun 2 milliard 275 million so‘m sarflandi. Avvallari markaz tuman yer-kadastr bo‘limi binosida faoliyat ko‘rsatib kelar edi.
Bu yerda Prezidentning Xalq qabulxonasi, Bosh vazir qabulxonasi, notarius, investorlar uchun xizmat ko‘rsatish xonasi va fuqarolarga xizmat ko‘rsatish zali joylashdi. Jami 80 dan ortiq davlat xizmatlarini ko‘rsatish imkoniyati mavjud.
DXM binosidan kutish zali, ona va bola xonasi, tibbiyot xonasi, kutubxona hamda qahvaxona ham o‘rin oldi.
Izoh (0)