Chempionlik uchun 30 ming dollar: O‘zbekistonlik taekvodochilar Jahon chempionatiga tayyor

15—19-may kunlari Angliyaning Manchester shahrida bo‘lib o‘tadigan taekvondo bo‘yicha navbatdagi jahon chempionatida O‘zbekiston terma jamoasi ham ishtirok etadi.

Mazkur musobaqada jahonning 100 dan ortiq mamlakatidan taekvondochilar ishtirok etadi. Musobaqada sovrindor bo‘lgan o‘zbekistonlik sportchilarga Milliy olimpiya qo‘mitasi alohida pul mukofotini va’da qilgandi. Unga ko‘ra oltin medal egasiga 30 ming, kumush medal sohibiga 20 ming va uchinchi o‘rin egasiga esa 10 ming AQSh dollari miqdorida pul mukofoti beriladi.

Musobaqa Tokio Olimpiadasiga eng ko‘p reyting ochkolarini taqdim etadi.

Jahon chempionatida ishtirok etuvchi terma jamoa tarkibi quyidagicha:

Erkaklar:

• -54 kg: Valentin Xegay
• -58 kg: Suhrob Bobobekov
• -74 kg: Nikita Rafalovich
• -80 kg: Shuhrat Salayev
• -87 kg: Maksim Rafalovich
• +87 kg: Dmitriy Shokin

Ayollar:

• -49 kg: Madinabonu Mannopova
• -53 kg: Charos Qayumova
• -57 kg: Zariya Qosimova
• -62 kg: Feruza Sodiqova
• -67 kg: Nigora Tursunqulova
• +73 kg: Svetlana Osipova