2019-yilning 8-fevral kuni, uzoq vaqt tanaffusdan so‘ng afsonaviy xokkey gulduros qarsaklar ostida o‘zbek sporti arenasiga kirib keldi. Shu kuni Ice City’ning muzli sahnasi eng jasoratli sport namoyondalari uchun o‘zining qorli bag‘rini ochdi.
Yuzlab tomoshabinlar muhim bir voqeaning guvohi bo‘ldilar: Mustaqil O‘zbekiston tarixida xokkey bo‘yicha ilk chempionatga start berildi.
Turnirning tantanali ochilish marosimida respublika aholisi va mehmonlari ishtirok etishdi.
Muxlislar ushbu hodisaga mas’uliyat bilan yondashgan holda tashrif buyurishdi: aksariyat odamlar o‘zlari bilan musiqiy asboblar olib kelib, sevimli qo‘shiqlarini jonli ijro etishdi.
“X kuni”ni nafaqat esda saqlab qolishni, balki fotosuratlarda ham muhrlashni istagan har bir kishi uchun Ice City’ning kirish qismida foto-hudud tashkil etildi.
Eng sodiq muxlislar uchun esa ushbu sport turiga oid maxsus buyumlar do‘koni faoliyat olib bordi. Sevimli jamoaning ramzi tushirilgan esdalik sovg‘alarini xarid qilgan muxlislar “Akvagrim” hududiga “tushib qolishadi” va u yerda har bir kishi o‘zlarining sevimli jamoalarining ramzini yuzlariga chizishlari mumkin edi.
Ommaviy axborot vositalari xodimlarini uchun maxsus matbuot-hududi ajratilgan bo‘lib, jurnalistlar tadbir ishtirokchilari va hamkorlari bilan muloqot qilgan holda intervyu olishlari mumkin edi.
Milliy Olimpiya qo‘mitasi prezidenti Umid Ahmadjonov o‘zbek xokkeyining yangi davrini boshlab berdi.
MOQ rahbari o‘zining nutqida bugungi kunda O‘zbekiston Respublikasi Prezidenti qishki sport turlarini rivojlantirishga katta e’tibor berayotganini va mamlakatimizda xokkeyning yorqin kelajagiga qat’iy ishonch bildirayotganini ta’kidladi.
Ochilish marosimining hayajonli daqiqalaridan so‘ng sahnada ko‘rgazmali namoyishlar bo‘lib o‘tdi, so‘ngra barcha ishtirokchi jamoalar muz maydoniga chiqib kelishdi. Muntazam chempionatning ilk o‘yinida to‘rtta xokkey jamoalari – “Toshkent” va “Binokor”, “Humo” va “Semurg‘” jamoalari g‘oliblik uchun kuch sinashdi. Muz usti issiq edi. Tribunadagi atmosfera ham bo‘sh kelmasdi: muxlislar ham jon-jahdi bilan o‘yinni kuzatib borishardi, o‘zlarining sevimli jamoalarini baland ovozda hayqiriqlar va g‘alaba qarsaklari bilan qo‘llab-quvvatladilar.
Hattoki, dastlab “chiroyli o‘yin uchun” jon kuydirishga kelgan muxlislar endilikda o‘zlarining sevimli jamoalarini tanlagan holda, ularni faol qo‘llab-quvvatladilar. Bunday qishki o‘yinga Toshkent uzoq yillar davomida guvoh bo‘lmagan edi.
Rossiyalik taniqli mehmon, sakkiz karra jahon chempioni, afsonaviy xokkeychi Sergey Makarov ham poytaxt jamoalarining o‘yinini katta qiziqish bilan tomosha qildi. Turnir yakuniga yetganidan so‘ng esa Sergey o‘z taassurotlari bilan o‘rtoqlashdi:
- O‘zbekistonda xokkeyni qayta tiklash haqidagi yangilik meni juda xursand qildi va meni ochilish marosimida ishtirok etishga taklif etishganda, men bunday tarixiy voqeaning guvohi bo‘lishga bajonidil rozi bo‘ldim.
O‘ylashimcha, 2019-yilning 8-fevral kuni mamlakatingizda bu qishki sport turining yangidan tashkil topishi tarixga kiradi. Biz iqlim sharoitlari sportning rivojiga to‘sqinlik qila olmaydigan zamonaviy dunyoda yashamoqdamiz. Shu sababdan yaxmalak maydonlarni barpo etib, ushbu sport turini ommalashtirish va bolalar uchun shart-sharoitlar yaratish lozim.
O‘zbekistonda xokkey ildam qadamlar bilan rivojlanadi va tez orada O‘zbekistonning terma jamoalari Olimpiya o‘yinlariga tashrif buyurishiga ishonchim komil va butun dunyo o‘zbekistonlik xokkey yulduzlari nomlarini yoritadi.
Xokkey bo‘yicha O‘zbekiston chempionatining ilk o‘yini “Toshkent” XJ “Bunyodkor” jamoasini 5:1 hisobida mag‘lubiyatga uchratib, mutlaq g‘alabasi bilan yakun topdi.
Ikkinchi o‘yin ham qizg‘in tarzda bo‘lib o‘tdi va “Semurg‘” jamoasi “Humo” jamoasini 5:4 hisobida mag‘lub etdi.
Hakamlik xalqaro toifadagi hakamlarning qatiy nazorati ostida amalga oshirildi, shu sabab ham ikkala o‘yin adolatli va shaffof tarzda bo‘lib o‘tdi.
Ikki oy davom etadigan chempionat doirasida jami 24 ta uchrashuvlar o‘tkazilishi ko‘zda tutilgan bo‘lib, so‘nggi o‘yin 17-mart kuni o‘tkaziladi.
20-martdan boshlab uchta g‘alabagacha o‘tkaziladigan ikki bosqichli play-off bosqichi boshlanadi. Barcha o‘yinlar O‘zbekistondagi barcha xalqaro me’yorlarga javob beradigan birinchi va yagona Ice City’ning muzli sahanasida bo‘lib o‘tadi.
Xulosa o‘rnida shuni ishonch bilan aytish mumkinki, o‘yin boshlandi, ammo bu boshlanishi. O‘zbekiston xokkey federatsiyasi shunday sur’atda ketmoqchi va mazkur sport turi geografiyasini kengaytirish va poytaxtdan tashqarida chekka hududlarda ham ommalashtirishni maqsad qilib olgan.
Kelajakka nazar soladigan bo‘lsak, Federatsiyaning rejasida 2020-yilda besh xil toifadagi jamoalar klubi o‘rtasida shaybali xokkey bo‘yicha O‘zbekiston chempionatini o‘tkazilishi boshlanishini sezish mumkin.
Reklama huquqi asosida.
Izoh (0)