Shohjahon Ergashev prof boksdagi 15-jangida raqibini 1-raundda nokautga uchratdi

Professional boksda mag‘lubiyatsiz odimlayotgan o‘zbekistonlik Shohjahon Ergashevning 15-jangini o‘tkazdi.

Ergashev o‘zining navbatdagi jangida amerikalik Zak Remziga qarshi ringga chiqib, uni 1-raunddayoq nokautga uchratdi.

Ma’lumot uchun, Zak shu kungacha professional ringda 12 ta jang o‘tkazib, ularning 8 tasida g‘alaba qozongan (4 tasi nokaut evaziga). 4 ta jangda mag‘lub bo‘lgandi (2 ta nokaut).

Shohjahon esa professional boksdagi faoliyati davomida 14 ta jang o‘tkazib, ularning barchasini o‘z foydasiga hal qilgandi. 13 ta jangda u muddatidan oldin g‘alaba qozona olgandi.

Eslatib o‘tamiz, prof boksdagi yana bir o‘zbekistonlik bokschi Elnur Abduraimov o‘zining 3-jangida raqibini 1-raunddayoq nokautga uchratgandi.