Ispaniyaning “Vilyarreal” jamoasi yarim himoyachisi, rossiyalik Denis Cherishev faoliyatinin “Valensiya”da davom ettiradigan bo‘ldi. 27 yoshli futbolchi “ko‘rshapalaklar” tarkibida bir mavsum davomida ijara asosida to‘p suradi.
Qayd etilishicha, Cherishevni “Valensiya”ga olib kelishni shaxsan jamoa bosh murabbiyi Marselino Garsiya Toral xohlagan. Murabbiy futbolchi bilan vaqtida “Vilyarreal”da birga ishlagan.
Denis uchun “Valensiya” begona emas. U 2015/16-yilgi mavsumda “Real Madrid” tomonidan “ko‘rshapalaklar”ga ijaraga berilgandi. O‘shanda u jamoa safida 7 uchrashuvda qatnashib, 3 ta gol urishga erishgan.
O‘tgan mavsumda esa Cherishev “Vilyarreal” safida La Liganing 24 uchrashuvida 2 ta gol kiritdi. Rossiya terma jamoasi safida JCh—2018 da esa 5 ta o‘yinda qatnashib, 4 ta gol urishning uddasidan chiqdi.
Izoh (0)