​JCh—2018. Germaniya—Meksika, Braziliya—Shveysariya. Bugun bo‘lib o‘tadigan o‘yinlar anonsi

Bugun, 17-iyun sanasida Rossiyada o‘tayotgan futbol bo‘yicha Jahon Chempionatining 1-turi davom ettiriladi.

Kun taqvimidan uchta o‘yin o‘rin olgan.

Kunning dastlabki o‘yini “E” guruhidan o‘rin olgan Kosta-Rika va Serbiya terma jamoalari o‘rtasida kechadi. Bellashuv 17:00 da boshlanishi belgilangan.

Mazkur guruhning ikkinchi o‘yini esa mundial favoritlaridan biri sifatida e’tirof etilayotgan Braziliya hamda Shveysariya terma jamoalari o‘rtasida bo‘lib o‘tadi. Mazkur o‘yin esa tunda, 23:00 da boshlanishi belgilangan.

“F” guruhining dastlabki o‘yinida amaldagi Jahon chempioni Germaniya Meksikaga qarshi kurash olib boradi. Bu uchrashuv esa 20:00 da boshlanadi.

Barcha o‘yinlar UzReport hamda Futbol-TV telekanallari orqali jonli efirda namoyish etiladi.