Bugun,

  • USD 10940.05
  • RUB 182.26
  • EUR 11121.65

“O‘zbekkonsert” davlat muassasasida san’atkorlarning to‘y-marosimlarda ishtirok etishi masalalariga bag‘ishlangan yig‘ilish bo‘lib o‘tdi. “Yoshlar” telekanalining “Davr” informatsion dasturi xabariga ko‘ra, tadbirda dabdabali to‘y-marosimlarni cheklash ishlari doirasida bitta to‘yda nechta xonanda qatnashishi mumkinligi masalasi ham muhokama qilingan.

O‘zbekiston xalq artisti Abduhoshim Ismoilovning so‘zlariga ko‘ra, hozir san’atkor to‘yga borib boy bo‘lib keta olmaydi. Ayni vaqtda, hozirgi to‘ylardagi uvolning oldini olish, me’yorni saqlash borasidagi tashabbuslarni ham to‘g‘ri, deb hisoblaydi.

Hozir san’atkor to‘yga borib, boy bo‘lib ketmaydi. Kechirasiz-u, bitta qo‘shiqni bir aranjirovkachi 350—400 dollarga sayqallab beradi.

Bu yerda boshqa — to‘y-marosimlarni ma’lum bir me’yorda o‘tkazish kerak, degan masala bor. To‘g‘ri, to‘yda san’atkor ko‘payib ham ketmasin — birrovga uchta-to‘rtta guruh borsin, mayli.

Lekin san’atkorlar bir-biri bilan navbat talashib, urishib qoladigan bo‘lsa, bu ham san’atkorga to‘g‘ri kelmaydigan holat.

Abduhoshim Ismoilov, O‘zbekiston xalq artisti

Ma’lumot uchun, yig‘ilishda O‘zbekiston xalq artisti Nasiba Abdullayeva “bitta to‘yda faqat bir san’atkor qatnashsin” degan qoida amalga kiradigan bo‘lsa, san’atkorlar ishsiz qolishidan ogohlantirgan. O‘zbekiston madaniyat vaziri birinchi o‘rinbosari Ozodbek Nazarbekov esa san’atkorlarning to‘ylardagi ishtiroki qisqartiriladigan bo‘lsa, ularning mualliflik huquqi ortidan daromad olish imkoniyatlarini oshirish kerakligi haqida gapirgan.

Izoh
Asosiy yangiliklar
Mahalliy
G‘aniyev va Voitov klasterlarga past narxda paxta sotishni xohlamagan fermerlarga bosim o‘tkazilayotganini o‘rganadi
Mahalliy
“Ba’zi hokimlar, vazirlik rahbarlari o‘zlarini go‘yo xonlardek tutib, to‘rachilik kayfiyatiga berilib ketgan” — Sardor Umrzoqov
Mahalliy
“Ularni kim deb atash mumkin?” Sardor Umrzoqov maishatboz rahbarlarni tanqid qildi