Facebook, Twitter va Google kompaniyalari rahbarlarini Rossiyaning AQShdagi 2016-yilgi saylovlarga aralashuvini tekshirish doirasida guvohlar sifatida AQSh Senatiga chaqirishdi, deb yozadi Forum Daily.

Foto: Depositphotos

Top-menejerlar 31-oktabr kuni AQSh Senatining sud bo‘yicha quyi qo‘mitasi qarshisida guvohlik beradi.

Guvohlar sifatida Facebook vitse-prezidenti va bosh huquqiy maslahatchisi Kolin Stretch, Twitter bosh huquqiy maslahatchisi Shon Ejett va Google huquq-tartibot va axborot xavfsizligi direktori Rikard Salgado qatnashadi.

1-noyabr kuni esa Stretch, Ejett va Google bosh maslahatchisi Kent Uolker Vakillar palatasining razvedka qo‘mitasi a’zolari va Senat qarshisida “AQShdagi 2016-yilgi saylovlarga ijtimoiy matbuotning ta’siri” nomli ochiq eshituvlar doirasida omma oldida ko‘rsatmalar beradi.

Qonun chiqaruvchilar ushbu eshituvlar chog‘ida Facebook, Google va Twitter vakillaridan Rossiya tomonidan moliyalashtirilgan turli reklama kampaniyalari haqida so‘rashi taxmin qilinmoqda.