AQShning Nevada shtatidagi Nellis aviabazasi vakillari Sobiq ittifoqda ishlab chiqarilgan deya gumon qilinayotgan samolyotning qulashi borasidagi vaziyatga oydinlik kiritishni istamadi, deb xabar berdi “RIA Novosti”.
“5-sentabr kuni ro‘y bergan hodisaga bog‘liq barcha ma’lumotlar maxfiylashtirildi”, — deya aviabaza matbuot kotibi jurnalistlar tomonidan berilgan savollarga javob qaytardi.
Noxush hodisa Las-Vegas yaqinidagi Nellis aviabazasidan 160 kilometr narida ro‘y bergan. Shuningdek, ushbu yo‘nalishda 51-hudud nomi bilan mashhur Edvard aviabazasining masofaviy bo‘linmasi joylashgan. Ushbu bazada yangi uchar qurilmalar ishlab chiqariladi va sinovdan o‘tkaziladi.
Aviabaza matbuot xizmati ushbu falokat oqibatida podpolkovnik Erik Shults vafot etgani haqida xabar berdi.
Aviation Week’ning ma’lum qilishicha, halok bo‘lgan uchuvchi xorij texnikasini sinovdan o‘tkazadigan eskadrilyaga qo‘mondonlik qilgan. Ularning ixtiyorida Sobiq ittifoq tomonidan ishlab chiqarilgan bir qator samolyotlar, jumladan, MiG-29, Su-27 qiruvchisi mavjud.
Izoh (0)