Yaponiyadagi bandargohda bulut-terminal qurildi (foto)

Yaponiyaning SANAA firmasi dizaynerlari Naosima orolidagi bandargohda bulut shaklidagi kichkina yo‘lovchi terminali qurdi. Terminalning oldida velosiped yoki motosiklni qoldirish, uning ichida esa yo‘lga chiqishdan oldin dam olish va hojatxonaga borish mumkin. TJournal terminalning suratlarini taqdim etdi.

Biz mahalliy aholi va mehmonlar uchun to‘xtash nuqtasini oson topish uchun yo‘nalish ko‘rsatuvchi narsa qurishni xohlagan edik.

Qurilishning ajoyib shakli tufayli quruqlik yoki suv orqali terminalga yo‘l olgan kishilar uzoqdan ham bandargohni topa oladi.

SANAA

Terminalning balandligi sakkiz metrni tashkil qiladi. U yog‘och karkasga mahkamlangan kesishuvchi sferalardan tuzilgan. Kechki payt terminal ichkaridan yoritiladi va shu sababli tashqaridan yarqirab turadi.