Bugun,

  • USD 11095.31
  • RUB 173.84
  • EUR 10772.44

Saraton zamonamizning eng xavfli kasalliklari sirasiga kiradi. Jahon sog‘liqni saqlash tashkiloti statistikasiga ko‘ra, onkologiya kasallik va o‘lim chastotasi bo‘yicha dunyoda ikkinchi o‘rinda turadi. U har yili millionlab kishilarni hayotdan olib ketadi. Biroq shifkorlar bu dahshatli kasallikni yengish uchun imkon qadar harakat qilmoqda. Bunda ularga eng yangi texnologiyalar va davolash usullari yordam bermoqda.

acibadem

Qachon radioterapiya qo‘llanadi?

Yuqori aniqlikdagi nurlantirish orqali saraton hujayralarini yo‘q qilishga mo‘ljallangan radioterapiya ko‘p yillardan beri tabobatda qo‘llanib kelinadi. Bugungi kunda u bemor uchun yanada samarali va bezarar hisoblangan yangi texnologiyalar vositasida qo‘llaniladi. Bundan tashqari, to‘qimalar va xavf zonasidagi organlar sog‘ligiga salbiy ta’sirni kamaytiradi.

“Radioterapiya jarrohlik aralashuvi va kimyo terapiyasi bilan birgalikda o‘tkazilish yo o‘tkazilmasligidan qat’i nazar, u saratonni davolashda muhim rol o‘ynaydi. Saraton tashxisi qo‘yilgan bemorlarning kamida yarmini shu yo‘l bilan davolash mumkin. Bizning klinikalarimizda radioterapiyaning Trilogy, TrueBeamSTx va HDR Brachytherapy kabi yetakchi uskunalari qo‘llanadi”, — deydi Acıbadem Adana klinikasining radiatsion onkologi professor Meltem Serin.

Masalan, TrueBeamSTx yangi avlod qurilmasi ayniqsa bosh miya o‘simtalari hamda xavf zonasidagi boshqa kichik hajmli o‘simtalarni muvaffaqiyatli davolaydi. Uning yuqori kuchi va tezkor ta’siri tufayli radioterapiya jarayoni sezilarli ravishda qisqaradi. Uskunaning yuqori darajadagi aniqligi nurlarni to‘g‘ridan-to‘g‘ri shikast yetgan sohaga yo‘naltirish imkonini beradi. U real vaqt rejimida tana holati va organlarni kuzatadi — harakat yuzaga kelgan taqdirda, ayniqsa nafas olish chog‘ida aniq o‘simtaga yo‘naltiradi. U o‘pka, jigar va ko‘krak qafasi sohasidagi yangi o‘simtalarni davolashda juda muhim.

Acibadem Kayseri klinikasining radiatsion onkologi Qodir Ucharning ta’kidlashicha, texnologiyalar rivoji tufayli radiologiya sohasidagi diagnostika va davolash tizimlari sezilarli ravishda ildamladi, shuningdek Rapid Arc nomli uskuna onkologiyani davolashda katta muvaffaqiyatlarga erishishga yordam berib, bemorlar qulayligini oshirmoqda. Ushbu chiziqli tezlatgich (LINAC) rentgen nurlarini to‘g‘ridan to‘g‘ri o‘simtaga yo‘naltiradi. Davolash odatda 5—10 daqiqa davom etadi, ta’kidlash joizki, avvalgi texnologiyalarda bu jarayon uchun 15—30 daqiqa sarflanar edi.

acibadem1

Radioterapiya odatda davolashning boshqa usullari bilan birgalikda olib borilsa-da, bugungi kunda onkologiyaning tomoq saratoni va prostata saratoni ba’zi turlarini davolashda uning o‘zini qo‘llash mumkin bo‘ladi. Acibadem Bursa klinikasi radiatsion onkologi doktor Asli Saran shunday deydi: “Bemor uchun eng maqbul davolash modeli va davolash tartibi hamda muddatlari to‘g‘risidagi qaror radiatsion onkologiya, tibbiy onkologiya va boshqa soha mutaxassislari ishtirokida konsilium o‘tkazish yo‘li orqali qabul qilinishi kerak”.

O‘simtalarni operatsiyasiz yo‘q qilish

Saratonni butun organizm bo‘ylab millimetr aniqlikkacha davolash uchun maxsus ishlab chiqilgan Cyber Knife robotlashtirilgan radiojarrohlik tizimi bosh miya va tananing boshqa qismlaridagi o‘simtalarni yuqori aniqlikda nurlantirish yo‘li bilan olib tashlash imkonini beradi. Bu sog‘lom to‘qimalarning radiatsiyadan maksimal darajada himoyalanishini ta’minlaydi. Acıbadem Maslak klinikasi radiatsion onkologi professor Enis O‘zyarning ta’kidlashicha, mazkur qurilma bemor atrofida xuddi raqs tushayotgandek aylanib, yuzlab burchaklardan nurlarni yo‘naltiradi. acibadem2“O‘simta va jarohatlarning joylashuvi hamda hajmi qanday bo‘lishidan qat’i nazar, har qanday holatda uskunani qo‘llash mumkin. CyberKnife’ni bosh miyadagi xavfli va xavfsiz o‘simtalar, metastazlar, arteriovenoz malformatsiyalar, ayrim funksional kasalliklarda, o‘pka saratoni, oshqozonosti saratoni hamda boshqa usullarda davolab bo‘lmaydigan cheklangan miqdordagi muayyan metastazlar, davolash samara bermagan o‘pka va jigar o‘simtalarida qo‘llagan ma’qul”, —  deydi shifokor.

Saratonni davolashda yangi so‘z — immunoterapiya

Bugungi kunda onkologiyani davolashdagi yana bir katta yutuq — immunoterapiya. U immun tizimi faoliyatini rag‘batlantirishga yo‘naltirilgan, ya’ni immunitet xavfli o‘simtalarni o‘zi aniqlab, ular bilan mustaqil kurash olib boradi. Immunoterapiya ayniqsa teri saratoni - xavfli melanomani davolashda katta muvaffaqiyatga erishdi. U katta o‘simtalarni qisqa muddatlarda nisbatan kichraytirishga, ba’zi holatlarda esa ularni to‘liq yo‘q qilishga yordam beradi. Bugungi kunda ko‘krak bezi, prostata, oshqozonosti saratoni va okologik kasalliklarning boshqa turlariga qarshi kurashishda immunoterapiyani qo‘llash uchun intensiv izlanishlar olib borilmoqda. Shuni ishonch bilan aytish mumkinki, davolashning bu noyob usuli kelgusida saratonni davolashda katta rol o‘ynaydi.

Saratonga maqsadli ta’sir

So‘nggi 5 yilda onkologiyani davolashdagi yana bir yutuq target terapiya (maqsadli davolash) bo‘ldi. Agar avvallari onkologiyada saratonni davolashda birgina yondashuv qo‘llangan bo‘lsa, keyinroq shifokorlar u turlicha yondashuvlarni talab qiluvchi ko‘plab modifikatsiyaga ega ekanini aniqlashdi. Bu kashfiyot tufayli har bir bemorni davolashda individual kurs ishlab chiqila boshlandi - bunday kurslar saratonning muayyan turiga qarshi maqsadli ta’sir ko‘rsatadigan alohida preparatlar bilan davolashga asoslangan bo‘lib, ular zararli hujayralar o‘suvchi markazlarni bloklaydi va ularning tez muddatda yo‘qolishini ta’minlaydi.

So‘nggi yillarda onkologiyani davolashda qo‘lana boshlangan target preparatlar organizm to‘qimalariga ziyon yetkazmay, saraton hujayralariga aniq ta’sir ko‘rsatadi. Ulardan keyin bemorlarning sochi kimyoterapiya ta’siridek to‘kilmaydi va salbiy ta’siri juda kam - ular yo sezilmaydi, yo sezilganda ham, oson kechadi.

Target terapiya onkologiyaning o‘pka saratoni, ko‘krak bezi saratoni, yo‘g‘on ichak saratoni va teri saratoni kabi keng tarqalgan turlarini davolashda qo‘llaniladi. Bugungi kunda shifokorlar davolashning yangi usuli xavfli o‘simtalarning boshqa turlariga qarshi qo‘llanishi ustida faol ish olib borishmoqda, zero bu muvaffaqiyatli davolashning 40—50 foizini tashkil qiladi, shuningdek onkologik kasalliklarga duchor bo‘lgan kishilarning turmush sifati va hayot davomiyligini oshiradi.

acibadem3Biroq Atakent Acibadem klinikasi tibbiy onkologi professor Ali Arijanning so‘zlariga ko‘ra, davolash usullari shifokorlar tomonidan individual ravishda, o‘simta turi va bosqichi, shu bilan birga bemorning ahvolidan kelib chiqib tanlanadi. Davolash usullari va muolaja turlarini tanlashda ularning qo‘llanish tartibi muhim ahamiyatga ega bo‘ladi. Onkologlar barcha bosqichlarni — tashxis qo‘yishdan tortib to davolash bosqichlarini belgilashgacha — izchil o‘rganib chiqadi.

Acibadem’ning xorijiy bemorlar bilan ishlovchi Xalqaro Markazi Sizga va Sizning oilangizga klinikada davolanish vaqtida hamda uni tark etgandan keyin ham yordam berishga yo‘naltirilgan. Bizning maqsadimiz — siz uchun qulay va xotirjam muhit yaratish. Bizning xodimlarimiz mamnuniyat bilan siz va oilangizda yuzaga kelgan barcha savollarni ona tilingizda hal qilishda ko‘mak berishadi.

Acibadem xalqaro markazining bepul xizmatlari quyidagilardan iborat:

• Shifokorlarning onlayn-maslahatlari va tibbiy xizmatlar narxini hisoblash;• Shifokor bilan maslahatlashuvni rejalashtirish;• Shifoxonaga joylashtirishda yordam ko‘rsatish;• Tarjimon xizmatlari;• Aeroportdan va davolash davrida transfer qilish;• Mehmonxonaga joylashtirishni tashkillashtirishda yordam ko‘rsatish;• Sug‘urta kompaniyasiga bog‘liq masalalarni hal qilishda yordam ko‘rsatish;• Shifokorning davomli nazorati.

O‘zbekistondagi vakolatxona manzili:  Toshkent shahri, Mirzo Ulug‘bek tumani, Buyuk Ipak Yo‘li dahasi, 19-uy Telefon: (+99895) 144 54 45 Klinika sayti: www.acibadem.com.ru

Reklama huquqi asosida

Izoh
Asosiy yangiliklar
Mahalliy
O‘zbekistonning Istanbuldagi Bosh konsulxonasi Turkiyadagi fuqarolarga murojaat bilan chiqdi 
Mahalliy
O‘zbekistonda 7-fevral kuni 20 darajagacha iliq bo‘lishi kutilmoqda 
Mahalliy
O‘zbekistonda dollar kursi yana oshdi